धानुक समाजको स्वागत तथा सम्मान कार्यक्रममा मेयर देखि मन्त्रीसम्म

न्यूज ब्यूरो |
सिरहा, ७ भदौ । नेपाल धानुक समाजको स्वागत तथा सम्मान कार्यक्रममा मेयरदेखि मन्त्रीसम्मले सहभागीता जनाएका छन् ।

नेपाल धानुक समाज जिल्ला कार्य समिति सिरहाद्धारा आयोजित स्वागत कार्यक्रममा विभिन्न स्थानीय तहका मेयर सहित प्रदेश नं. २ का मन्त्रीहरुले आ–आफ्ना मन्तव्य जाहेर गरेका छन् ।

समाजका जिल्ला अध्यक्ष पाण्डव मण्डलको अध्यक्षता एवम् केन्द्रीय बरिष्ठ सल्लाहकार खुसिलाल मण्डलको प्रमुख आतिथ्यमा सम्पन्न भएको कार्यक्रममा विभिन्न व्यक्तित्वहरुलाई स्वागत तथा सम्मान गरिएको थियो ।

कार्यक्रममा समाजसँग आवद्ध विभिन्न स्थानीय तहका वडाध्यक्ष, मेयर लगायत उच्च पदस्थ व्यक्तित्वहरुलाई समेत सम्मान तथा स्वागत गरिएको हो ।

कार्यक्रमको विशिष्ट अतिथिका रुपमा रहनुभएका सिरहा निर्वाचन क्षेत्र नं. ४ (ख) का विद्यायक एवम् प्रदेश नं. २ का उद्योग, पर्यटन, वन तथा वातावरण राज्यमन्त्री सुरेश मण्डलले समाजको प्रगति र समाजसेवाभावको कदर गर्दै जनहितको लागि सधैं तत्पर रहने बताए ।

नेपाल रेडक्रस सोसाइटीको सामुदायिक भवन नयाँ चोक चोहर्वामा सम्पन्न स्वागत तथा सम्मान कार्यक्रममा संघीय सरकारकी साँसद एवम् राजपा नेत्री रानी मण्डल, कल्याणपुर नगरपालिकाका मेयर सुर्यनाथ मण्डल सहित विभिन्न नगरका नगर प्रमुख, उपप्रमुख, वडाध्यक्ष, वडा सदस्यहरुको सहभागीता रहेको थियो ।