सिरहाको गोलबजारमा जातीय विद्वेष र आगजनीको आरोपमा कासिन्द्र यादव पक्राउ, हिन्दुवादी संगठनले गरे विरोध
प्रहरीका अनुसार यादवसहित ४६ जनाविरुद्ध यसअघि नै मुद्दा दर्ता गरी पक्राउ पुर्जी जारी गरिएको थियो । पक्राउ परेका यादवलाई जिल्ला प्रहरी कार्यालय सिरहामा राखेर थप अनुसन्धान अघि बढाइएको प्रहरीले जनाएको छ ।

२०८३ असोज १६ शुक्रबार, बिहान ८:१६ बजे१ मिनेट पढाइ
न्यूज ब्यूरो, जनकपुरधाम । गोलबजार नगरपालिका–७ का कासिन्द्र यादवलाई प्रहरीले बुधबार साँझ पक्राउ गरेको छ ।
जिल्ला प्रहरी कार्यालय सिरहाका अनुसार गत साउन १४ गते गोलबजारमा भएको साम्प्रदायिक दंगा, आगजनी, हुलदङ्गा तथा जातीय विद्वेष फैलाएर शान्ति भंग गरेको आरोपमा यादवलाई पक्राउ गरिएको हो ।
प्रहरीका अनुसार यादवसहित ४६ जनाविरुद्ध यसअघि नै मुद्दा दर्ता गरी पक्राउ पुर्जी जारी गरिएको थियो । पक्राउ परेका यादवलाई जिल्ला प्रहरी कार्यालय सिरहामा राखेर थप अनुसन्धान अघि बढाइएको प्रहरीले जनाएको छ ।
यादव पक्राउ परेपछि विभिन्न हिन्दुवादी संगठनले विरोध जनाएका छन् । उनीहरूले यादवसहित पक्राउ परेका तीनै जनालाई रिहा गर्न माग गरेका छन् ।
प्रहरीले भने पक्राउ परेकामाथि लागेको आरोपबारे अनुसन्धान भइरहेको जनाएको छ ।
कस्तो महसुस भयो ?
प्रतिक्रिया दिन साइन इन गर्नुहोस्


















टिप्पणी
आफ्नो विचार राख्न साइन इन गर्नुहोस्।
लोड हुँदै…