घरको मिटरमा तार जोडन आफैँ पोलमा चढेका साहलाई करेन्ट, घटनास्थलमै मृत्यू

न्यूज ब्यूरो, जनकपुरधाम । महेन्द्रनगर ईस्ट ब्रान्चले वीरेन्द्रबजारका फुटबल खेलाडीहरूलाई टिम जर्सी वितरण गरेको छ ।

स्थानीय स्तरमा रहेका खेलाडीहरूको प्रतिभा र उत्साहलाई प्रोत्साहन गर्ने उद्देश्यले महेन्द्रनगर ईस्ट ब्रान्चले फुटबल टिमका खेलाडीहरूलाई जर्सी उपलब्ध गराएको हो ।

जर्सी वितरण कार्यक्रममा खेलकुदले युवाहरूमा अनुशासन, एकता, आत्मविश्वास, नेतृत्व क्षमता तथा सकारात्मक सोचको विकासमा महत्वपूर्ण भूमिका खेल्ने बताइएको थियो ।

आयोजकका अनुसार खेलाडीहरूका लागि जर्सी पहिरन मात्र नभई टिम भावना, एकता, पहिचान र खेलप्रतिको समर्पणको प्रतीकसमेत हो ।

स्थानीय खेलाडीहरूको मेहनत, लगनशीलता र अनुशासनलाई निरन्तर प्रोत्साहन गर्नुपर्नेमा जोड दिँदै आगामी खेलहरूमा वीरेन्द्रबजार फुटबल टिमले उत्कृष्ट प्रदर्शन गर्ने विश्वास व्यक्त गरिएको छ ।

महेन्द्रनगर ईस्ट ब्रान्चले स्थानीय स्तरमा रहेका प्रतिभाशाली खेलाडीहरूलाई आगामी दिनमा समेत हौसला र सहयोग प्रदान गर्दै उनीहरूको खेल यात्रामा साथ दिने ब्रान्चका युनिट ईन्चार्ज रोशन कुमार यादवले जानकारी दिए ।

जर्सी वितरणसँगै महेन्द्रनगर ईस्ट ब्रान्चले सम्पूर्ण वीरेन्द्रबजार फुटबल टिमलाई आगामी खेलका लागि शुभकामना व्यक्त गरेको यादवले बताए । 

पहिलो खेलमा टीम बीरेन्द्रबजारले जीत हाँसिल गरेको युनिट ईन्चार्ज यादवले  थपे ।