असई थमन बिक हत्या प्रकरणका अभियुत्त मिश्र र पाण्डेले तारेखमा रिहा

बाबु प्रेम यदुवन्शी |
महोत्तरी, २९ साउन । मधेस जनआन्दोलनको क्रममा सशस्त्र प्रहरी बलका असई थमन वि।क हत्या अभियोग लागेका २८ जनामध्य थप आज दुई अभियुक्त पनि साधारण तारेखमा रिहा भएका छन् ।

मंगलबार बिहान् ११ : ०० महोत्तरी जिल्ला अदालत जलेश्वरमा हाजिर भएका थिए । दुई अभियुत्त रामशंकर मिश्र र सुरेश पाण्डेय साधारण तारेखमा रिहा भएका छ्न।जिल्ला अदालतका मुख्य न्यायाधीश व्रजेश कुमार प्याकुरेलको इजलासले आज थप दुई जना लाई साधारण तारेखमा रिहा हुने आदेश दिएको हो ।

यसअघि सोमबार पनि यसै मुद्दाका अभियुत्त प्रदेश २ का राज्यमन्त्री अभिराम शर्मा पनि सामान्य तारेखमा रिहा भएका थिए । शर्मा अदालतमा हाजिर भई सामान्य तारेखमा छुटेको भोलिपल्ट अरु दुई अभियुक्त पनि अदालतमा हाजिर भएका थिए । हत्या अभियोग लागेका मिश्र जलेश्वर नगरपालिकाका मेयर हुन् भने पाण्डेय राजपाका केन्द्रीय महासचिव हुन् ।

२०७२ भदौ २५ गते मधेस आन्दोलनका क्रममा आन्दोलनकारीको तर्फबाट घाइते भएका सशस्त्र प्रहरीका असई विकलाई उपचारको लागि जलेश्वरबाट जनकपुर लग्दै गर्दा एम्बुलेन्सबाट थुतेर कुटपिट गरी हत्या गरेको भन्दै २८ जनामाथि ज्यान मुद्दाको अभियोग छ ।