लालबकैया नदीमा डुबेर बेपत्ता तीन बालबालिकामध्ये दुईको शव फेला

न्यूज ब्यूरो, रौतहट । रौतहटको देवाही गोनाही नगरपालिका–२ लक्ष्मीनिया नजिकै लालबकैया नदीमा नुहाउने क्रममा डुबेर बेपत्ता भएका तीन बालबालिकामध्ये दुई जनाको शव फेला परेको छ ।

गाउँ नजिकैको नदीमा नुहाउन गएका तीन बालबालिका एक्कासि गहिरो पानीमा डुबेर बेपत्ता भएका थिए । घटनाको जानकारी पाएलगत्तै सुरक्षाकर्मी र स्थानीयवासीको टोलीले खोजी थालेको थियो ।

खोजी गर्ने क्रममा दुई बालबालिकाको शव नदीबाट फेला परेको हो । बेपत्ता रहेका अर्का बालबालिकाको खोजी कार्य सुरक्षाकर्मी र स्थानीयवासीको टोलीले जारी राखेको जनाइएको छ ।

घटनाबारे थप विवरण आउन बाँकी रहेको प्रहरीले जनाएको छ ।