.png)
न्यूज ब्यूरो, सिरहा । आन्तरिक राजस्व कार्यालय लहानका कर अधिकृत युवराज पाल ५ लाख रुपैयाँ घुस लिँदै गरेको अवस्थामा अख्तियार दुरुपयोग अनुसन्धान आयोगको बर्दिबास कार्यालयबाट खटिएको टोलीले रंगेहात पक्राउ गरेको छ ।
स्रोतका अनुसार सिरहा सुपर मार्केट प्रालिको आर्थिक वर्ष २०७८/७९ को पूर्ण कर परीक्षण (फुल अडिट) का क्रममा कर अधिकृत पालले अडिट प्रक्रिया सहज बनाउन घुस मागेका थिए । उनले आफूभन्दा माथिल्लो तहका कर्मचारीलाई समेत मिलाउनुपर्ने भन्दै सुरुमा ५ लाख रुपैयाँ मागेको र रकम दिएपछि मात्रै अडिट प्रक्रिया अघि बढाइने बताएको आरोप छ ।
अडिटका क्रममा कम्पनीलाई कर, जरिवाना तथा अन्य शीर्षकमा करिब २ करोड रुपैयाँ दायित्व देखाइएको थियो । कम्पनीले थप कागजात पेश गरेपछि कर दायित्व अझै ३० देखि ३५ लाख रुपैयाँसम्म बढ्न सक्ने जानकारी दिइएको स्रोतको दाबी छ ।
त्यसपछि कर अधिकृत पालले १२ लाख रुपैयाँ दिए सम्पूर्ण विषय मिलाइदिने प्रस्ताव राखेको आरोप छ । कम्पनीले आर्थिक अवस्था कमजोर रहेको बताएपछि अन्ततः ५ लाख रुपैयाँमै सहमति भएको बताइएको छ ।
घुस लेनदेनका लागि कम्पनीका प्रतिनिधिलाई बुधबार दिउँसो लामो समयसम्म प्रतिक्षा गराइएको थियो । साँझ पालले फोनमार्फत आफू गोलबजार क्षेत्रमा रहेको जानकारी दिँदै भेट्ने स्थान परिवर्तन गरेका थिए । पछि एक बिचौलियाको नम्बर पठाएर रकम बुझाउन भनिएको थियो । बिचौलियाले आफू बाहिर रहेको भन्दै आफ्ना भाइमार्फत रकम बुझाउन आग्रह गरेपछि अन्ततः रकम कार्यालयमै ल्याउन भनिएको स्रोतले जनाएको छ ।
कार्यालयमै ५ लाख रुपैयाँ घुस बुझ्ने क्रममा अख्तियार दुरुपयोग अनुसन्धान आयोगको टोलीले कर अधिकृत पाललाई रंगेहात पक्राउ गरेको हो ।
घटनाबारे अख्तियारले थप अनुसन्धान अघि बढाएको जनाएको छ ।
नोट स् समाचारमा उल्लेखित आरोपहरूको आधिकारिक पुष्टि तथा विस्तृत विवरण अख्तियार दुरुपयोग अनुसन्धान आयोगको औपचारिक विज्ञप्ति वा अनुसन्धानबाट सार्वजनिक हुन बाँकी छ । आरोपित व्यक्तिलाई कानुनी रूपमा दोषी ठहर नभएसम्म निर्दोष मानिने सिद्धान्त लागू हुन्छ ।
धनुषाधाममा राष्ट्रिय बाणिज्य बैँकको शाखा विस्तार
- २०८३ श्रावण ७ बिहीबार
न्यूज ब्यूरो, जनकपुरधाम । राष्ट्रिय बाणिज्य बैंक लिमिटेडको नयाँ शाखा धनुषाको ऐतिहासिक धनुषाधाममा सञ्चालनमा आएको छ । बैंकको १३८ औं शाखाको रुपमा धनुषाधाममा पनि सेवा प्रारम्भ गरिएको रा.बा. बैंकले जनाएको छ
पूरा पढ्नुहोस्
.jpeg)