हेडमास्टर बनेपछि पवन मण्डलले स्कूलकै अगाडी किने कित्ताको कित्ता जग्गा जमिन

न्यूज ब्यूरो, जनकपुरधाम । कुनै बेला साईकल चढेर गिद्धाबेलापट्टि स्कूलमा मास्टरी (शिक्षक) गर्न जाने अहिले हेडमास्टर बनेका पवन मण्डलले सोही विद्यालयको अगाडी कित्ताको कित्ता जग्गा जमिन किनेको प्रमाण फेला परेको छ । 

२०८० सालममा नामसारी भएका जनता मावि गिद्धाबेलापट्टिको लगत्तै अगाडीमा कैयौँ कित्ता जग्गा जमिन नामसारी भएको पाईएको छ । हेडमास्टर बनेपछि उनले सो जग्गा जमिन स्कूलकै अगाडी गिद्धामा किनेका हुन् । 

धनुषाको शहिदनगर नगरपालिका वडा नं. ८ नाथपट्टि नीजि घर भएका मण्डलले तिनकोरियाचोक (गिद्धा) मा मात्रै ४ कित्ता जग्गा जमिन किनेको हो । 
मालपोतको कागजात प्रमाण हेरौँ

तिनकोरिया चौकस्थित स्कूलको लगत्तै अगाडीमा रहेको जग्गाको कित्ता नं. ७००, ७०४,७०८ र ७८४ नम्बरमा गत २०८० साल फागुन १३ गतेमा रजिष्ट्री भएको पाईएको छ । त्यसमध्ये कित्ता नं. ७८४ भने गत बैशाख १७ गते मात्र रजिष्ट्री भएको देखिएको हो । स्थानीय रामरुप मण्डल केवटबाट स्कूलकै अगाडी २८ घुर जग्गा जमिन किनेको पाईएको छ । 

कित्ता नं. ७८४ पवन मण्डलले पहिलेदेखि नै किनेर राखेकोमा गत बैशाखमा मात्र रजिष्ट्री भएको पाईएको हो । 

उनले विद्यालयमा नक्कली विद्यार्थी खडा गरी गरिब, दलित, विपन्न, निमुखाको लागि आएको सरकारी रकममा अनियमितता गरेर जग्गा जमिन किनेको आरोप विद्यालयका पूर्व अध्यक्ष संजीव मण्डलले लगाए । पवन मण्डलसँग सम्पर्क गर्न खोज्दा उनको मोबाईलमा फोन भने लागेनन् ।