सोनमा गाउँपालिकाका हाकिम ७२ हजार रुपैयाँ घुससहित रँगेहात अख्तियारको फन्दामा

न्यूज ब्यूरो, जलेश्वर । महोत्तरीको सोनमा गाउँपालिकाका प्रमुख प्रशासकीय अधिकृत श्रीदेव यादव घुस रकमसहित पक्राउ परेका छन् ।

अख्तियार दुरुपयोग अनुसन्धान आयोगको कार्यालय बर्दिबासको टोलीले यादवलाई ७२ हजार रुपैयाँ घुस रकमसहित पक्राउ गरेको हो ।

एक उपभोक्ता समिति अध्यक्षसँग घुस लिइरहेको अवस्थामा यादवलाई पक्राउ गरिएको अख्तियारले जनाएको छ ।

औरही सडकबाट उनलाई नियन्त्रणमा लिएको अख्तियारले जनाएको छ ।