जनकपुरः सार्वजनिक जग्गा खाली गर्न भनेपछि बालेन सरकारविरुद्ध सुकुम्बासीहरुको प्रदर्शन, चक्काजाम

न्यूज ब्यूरो, जनकपुरधाम । सार्वजनकि जग्गा खाली गर्न भनेपछि बालेन सरकारविरुद्ध आफूलाई सुकुम्बासी बताउनेहरुले विरोध प्रदर्शन सुरु गरेका छन् ।

धनुषाको महेन्द्रनगरस्थित जनकपुर ढल्केवर सडकखण्डमा आफूलाई सुकुम्बासी दाबी गर्नेहरुले सडक अवरुद्ध गरेका छन्् । क्षिरेश्वरनाथ नगरपालिकाले सार्वजनिक जग्गा खाली गर्न सूचना निकालेपछि उनीहरू आन्दोलनमा उत्रेका हुन् ।

स्थानीय सरकारलाई परिपत्र गरे अनुसार, नगरपालिकाले अतिक्रमित जग्गा खाली गर्न सूचना जारी गरेपछि उनीहरुले सडक जाम गरी सरकारको विरोध जनाएको हो । उनीहरुले बर्षौदेखि बस्दै आएको जग्गामा डोजर चलाउने भनिएपछि आन्दोलनमा उत्रेका हुन् ।

आन्दोलनकारीहरुले आफूहरुलाई बसोवास गरेकै जग्गामा व्यवस्थापन गर्नुपर्न माग राख्दै टायर बालेर प्रदर्शन गरिरहेका छन् ।