डा.सिके राउतसँग अर्थमन्त्री यादवको विद्रोहः मुख्यमन्त्रीलाई जनमत पार्टीको समर्थन अझै कायम रहेको दाबी

न्यूज ब्यूरो, जनकपुरधाम । जनमत पार्टीले वर्तमान मधेश सरकारसँग समर्थन फिर्ता लिएको घोषणा गरेपनि सँसदीय दलका नेता समेत रहेका अर्थमन्त्री महेश प्रसाद यादवले समर्थन कायम राखेका छन् ।

जनमत पार्टीले नेपाली काँग्रेसका कृष्णा यादव नेतृत्वको सरकारलाई दिएको समर्थन सोमबार नै फिर्ता लिएको घोषणा गरेपनि नेता यादवले भने समर्थन कायम राखेको जनाएको छ ।

प्रदेश प्रमुखलाई एक पत्र लेख्दै अर्थमन्त्री यादवले आफ्नो बिना जानकारी र कुनै बैठक नै नगरी समर्थन फिर्ता लिएको बारे आफूलाई थाहा नभएको भन्दै जनमत पार्टीबाट समर्थन कायमै रहेको प्रष्ट्याएका छन् ।

उनले आफू पार्टीको संसदीय दलको नेता रहेको जनाउँदै वर्तमान मुख्मन्त्री कृष्णा यादवसँग समर्थन रहेको जनाएको छ । पार्टीका अध्यक्ष डा. राउतले अधिकारिक सचिवालय मार्फत जनमतले समर्थन फिर्ता लिएको जनाएको थियो ।