जनकपुरमा मानवता शर्मसार पार्ने क्रुर घटनाः किशोरीलाई बन्धक बनाएर ७ दिनसम्म बलात्कार, अवस्था नाजुक !

न्यूज ब्यूरो, जनकपुरधाम । मधेश प्रदेशको राजधानी क्षेत्रभित्र एउटा क्रुर घटना बाहिर आएको छ । धनुषाकी एक दलित किशोरीलाई ७ दिनसम्म बन्धक बनाएर बलात्कार गरेको घटना बाहिरएको छ ।

धनुषाको क्षीरेश्वरनाथ नगरपालिका वडा नं. ९ की एक किशोरीलाई बन्धक बनाएर क्रुर तथा दानवीय तवरले बलात्कार गरेको घटनाको रहस्योदघाटन भ्एको छ ।

गत साता आफ्नै घरमा रहेकी गरिब परिवारकी ति किशोरीलाई स्थानीय खुसबु देवी नामक महिलाले फकाएर खेतमा लगेको आरोप उनको बुवाआमाको छ । साँझको बेला खेतमा बोलाएर भुँसा कस्न जाने भन्दै खुसबुले नै रकमको प्रलोभनमा छोरीलाई हैवानको जिम्मा लगाएको पीडा पोखेका छन् ।

सोही टोल बस्ने स्थानीय उदय भन्ने जयराम महतोले बालिकालाई एक सातसम्म बन्धक बनाएर बलात्कार गरेको खुलेको हो । सुरुमा गाउँकै बसनियाँ खोलामा लगेर निर्ममता ढँगले बलात्कार गरेपछि उनलाई रगतको लतपतले नै जनकपुर लगेको बताईन्छ । जयरामले किशोरीलाई प्रलोभनमा पारी बलात्का गरेको आमाुबुवाको आरोप छ ।

मात्र १४ बर्षकी ति किशोरीले पीडा सहन नसकी चिच्याएपछि खुसबुले मदत गरेर जनकपुरसम्म पुरयाएको आरोप छ । जनकपुरको पीडारीमा ४ दिनसम्म एक डेरामा बन्धक बनाएर बलात्कार गरी अचेत अवस्थामा राखेको बताईएको छ । घरमुली (घरपट्टि)ले थाहा पाएपछि प्रहरी बोलाएर उनको उद्धार गरेको जिल्ला प्रहरी कार्यालय धनुषाले जनाएको छ ।

प्रवक्ता गणेश बहादुर बमका अनुसार, घरपट्टिले दिएको जानकारी अनुसार तत्कालै गएको प्रहरीले किशोरीलाई अचेत अवस्थामा फेला पारेको थियो । उनको मानसिक स्थिति समान्य छैनन् । किशोरीको यौनाँगमा कैयाँ टाँका लगाइएको परिवारजनले बताएको छ । अझै बोल्न नसक्ने अवस्थामा रहेकी ति किशोरीलाई विभिन्न औषधी खुवाएर, नशालु पदार्थहरु खुवाएर अचेत अवस्थाम दानवीय तवरले निरन्तर बलात्कर गरेको बताइएको छ ।

सुरुमा किशोरीलाई क्षीरेश्वरनाथ नगरपालिका वडा नं. ९ को औरहा भन्ने गाउँमा ४ दिनसम्म आरोपित जयराम महतोले आफ्नो भिनाजु गँगा महतोको घरमा राखेको बताईएको छ । त्यसपछि उनको अवस्था बिग्रिन थालेपछि जनकपुर लगेको थियो । जनकपुरमा पनि उपचारको साटो घरमै बन्धक बनाएर क्रुर, अमानवीय तवरले बलात्कार गरेको खुलेको छ ।

जिल्ला प्रहरी कार्यालय धनुषाले बलात्कारको मुद्दा दर्ता गरी कारवाही प्रक्रिया अगाडी बढाएको छ । बालिकालाई अस्पतालमा उपचार भईरहेको छ । उनको अवस्था अझै नाजुक छ । उनी अचेत अवस्थामा छिन् । आरोपित जयराम महतो अहिले प्रहरी नियन्त्रणमा रहेको छ भने अनुसन्धान प्रक्रिया तीव्र पारिएको छ ।