पत्रकार सिँहको प्रकरणमा पत्रकार महासंघले खोले मुख

न्यूज ब्यूरो |
जनकपुरधाम, १७ साउन । नेपाल पत्रकार महासंघ धनुषा शाखाका साधारण सदस्य एवम् काठमान्डौँ न्यूज २४ टेलिभिजनका धनुषा संवाददाता राजकमल सिँहको काण्डमा पत्रकार महासंघ धनुषाले ध्यानाकर्षण गरेको छ ।

साउन १६ गते बुधबार बिहान पत्रकार सिँहलाई जनकपुरको मुरलीचोकबाट प्रहरीले पक्राउ गरेको घटनाप्रति ध्यानाकर्षण गर्दै सत्यतथ्य रुपमा अनुसन्धान गरी दोषीलाई कारवाही गर्न माग गरेको हो ।

महासंघ धनुषाले विहिबार एक प्रेस विज्ञप्ति जारी गर्दै कुनै दबाब, प्रभाव वा अन्य कुनै पनि निहुँ र बाहानामा कुनै पनि निर्दोष व्यक्तिलाई फँसाउन नहुने तर्फ समेत ध्यानकर्षण गराएका हुन् ।

पत्रकार सिँहलाई जनकपुरको मुरली चोकमा केही युवाहरुको समूहले कुटपिट गर्दै बालिकासँग यौनशोषणको आरोप लगाइएको छ । यता, पत्रकार सिँह उपर लागेको यौनशोषणको आरोपलाई पन्छाउँदै जिल्ला प्रहरी कार्यालय धनुषाले गत मँसिरमा प्रतिनीधिसभा तथा प्रदेश सभाको चुनाव बेला भएको एक दुर्घटनासँग जोडेर थुनुवा पूर्जी जारी गरेका हुन् ।

समाजिक सञ्जालहरुमा पत्रकार सिँहबारे नाकारात्मक र साकारात्मक टिकाटिप्पणी समेत भईरहेको छ भने धेरैले यसलाई राजनीतिक दबाब भनेर टिप्पणी गर्न थालेका छन् ।