रास्वपाले टुँग्यायो ५७ समानुपातिक साँसद (नामावलीसहित) 

न्यूज ब्यूरो, जनकपुरधाम । राष्ट्रिय स्वतन्त्र पार्टी (रास्वपा) ले प्रतिनिधिसभाको समानुपातिकतर्फका प्रस्तावित सांसदहरूको नामावली सार्वजनिक गरेको छ। 

सार्वजनिक गरिएको सूची अनुसार पार्टीले विभिन्न समावेशी समूहहरूबाट प्रतिनिधित्व हुनेगरी कुल ५७ जनाको नाम सिफारिस गरेको जनाएको छ। सूचीमा महिला प्रतिनिधित्व उल्लेखनीय रूपमा उच्च देखिएको छ, जसले पार्टीको समावेशी प्रतिनिधित्वप्रतिको प्राथमिकतालाई झल्काउँछ।

खस–आर्य समूहबाट १६ महिला र १ पुरुष गरी १७ जनाको नाम सिफारिस गरिएको छ। यस समूहबाट प्रतिभा रावल, रचना खतिवडा, लिमा अधिकारी, विदुषी राणा, समीक्षा बास्कोटा, श्रद्धा कुँवर, टीका सङ्ग्रौला, क्रान्ति शिखा धिताल, आकृति अवस्थी, सृष्टि भट्टराई, मञ्जु भुसाल, प्रभा कार्की, शोभा खनाल, रत्ना कुमारी थापा, ज्ञानु पौडेल, प्रभा ढकाल तथा रमेश प्रसाईँको नाम समावेश गरिएको छ।

आदिवासी जनजातितर्फ १३ महिला र ३ पुरुष गरी १६ जनाको नाम प्रस्ताव गरिएको छ। यस समूहमा बसुमाया तामाङ, गङ्गा छन्त्याल, सुन्नीमा उदास, अनुष्का श्रेष्ठ, ओजस्वी शेरचन, सिर्जना श्रेष्ठ, रजनी श्रेष्ठ, कुसुम महर्जन, भूमिका श्रेष्ठ, प्रमीला कुलुजु, सुजाता तामाङ, कृपा महर्जन, एलिजा गुरुङ, राम लामा, खुश्बु सरकार श्रेष्ठ र मिङ्मा ग्याबु शेर्पा रहेका छन्।

मधेसी समूहबाट ६ महिला र २ पुरुष गरी ८ जनाको नाम सिफारिस गरिएको छ। यस सूचीमा पुनमकुमारी अग्रवाल, निशा मेहता, ललिता कुमारी, अंकिता ठाकुर, सरिता महतो, कामिनी कुमारी, पुरुषोत्तम सुप्रभात यादव र खगेन्द्र कर्ण रहेका छन्।

दलित समुदायबाट ७ महिला र १ पुरुष गरी ८ जनाको नाम प्रस्ताव गरिएको छ। यस समूहमा रीमा विश्वकर्मा, अमृता विक, सीता बादी, स्मृति सेन्चुरी, सुष्मा स्वर्णकार, तारा विश्वकर्मा, खिमा विक तथा प्रकाशचन्द्र परियार समावेश छन्।

थारु समुदायबाट २ महिला र २ पुरुष गरी ४ जनाको नाम प्रस्ताव गरिएको छ। यसमा गीता चौधरी, करिस्मा कठरिया, सुरेन्द्र चौधरी र प्रेमलाल चौधरी रहेका छन्। त्यस्तै मुस्लिम समुदायबाट ३ महिलाको नाम सिफारिस गरिएको छ, जसमा समिना मिया, अफ्साना बानु र गलाजा शमीम मिकरानी रहेका छन्।

रास्वपाले समानुपातिक प्रतिनिधित्व प्रणालीअन्तर्गत संविधानले निर्दिष्ट गरेको समावेशी सिद्धान्तअनुसार विभिन्न समुदाय र वर्गको प्रतिनिधित्व सुनिश्चित गर्ने उद्देश्यले यो नामावली प्रस्ताव गरेको जनाएको छ। अब निर्वाचन आयोगको प्रक्रियापछि अन्तिम सूची औपचारिक रूपमा टुंगो लाग्नेछ।