धनुषाको औरही गाँपामा अन्तर सरुवा नहुँदा बिच्चलीमा कर्मचारी, कार्यपालिकाको निर्णय कागजमै सिमित

न्यूज ब्यूरो, जनकपुरधाम । धनुषाको औरही गाउँपालिकाको कार्यपालिकाबाट विभिन्न निर्णय भएको महिनौ बित्दा समेत लागु हुन नसक्दा सम्बन्धित लाभग्राहीहरु मार्कामा परेका छन् ।

औरही गाउँपालिकाका वि.सं. २०८० साल चैत्त २१ गतेमा बसेको कार्यपालिका बैठकबाट विभिन्न चारबुँदे निर्णय पारित गरेपनि लागु भने अझै हुन सकेको छैनन् । गाउँपालिकाको कार्यपालिकाबाट निर्णय भएको अन्तर सरुवा निर्णय अझै लागू भएको छैनन् ।

कार्यपालिकाको बहुमतबाट पारित निर्णयमा औरही गाउँपालिका अन्तर्गत रहेको विद्यालयका शिक्षकहरु विच्चलीमा परेका छन् । कार्यपालिकाको गत असोज २५ गते भएको निर्णयबाट समेत अन्तर शिक्षक सरुवा जस्ता निर्णयहरु लागू हुन सकेको छैनन् ।

यस्तै, डस्टर गाडी मर्मत गराउने निर्णय, सम्बन्धित कर्मचारीलाई मात्र सम्बन्धित शाखा दिने निर्णय, देउरी बजारमा प्रहरीचौकी स्थापनाको निर्णयहरु कार्यन्वन हुन सकेका छैनन् ।