मिर्चैयामा ग्याङ फाइट, हेलमेट प्रहारबाट एक घाइते, एक प्रहरी गिरफ्तमा

न्यूज ब्यूरो |

सिरहा, १० साउन । सिरहामा ग्याङ फाइट हुँदा एकजना घाइते भएको छ । सिरहाको मिर्चैया मटियर्वाचोक स्थित विहिबार करिब १ बजे दुई पक्षबीच भएको झडपमा परी एकजना घाइते भएको हो ।

झडपमा सिरहाको कल्याणपुर–८ अरंग निबासी २९ वर्षीय प्रभाष सिंहले प्रहार गरेको हेलमेटबाट मिर्चैया कुथनमा बस्ने ३२ वर्षीय खुसीलाल ठाकुर घाइते भएका हुन् ।

घाइते ठाकुरको टाउकोमा गम्भिर चोट लागेको छ । उनको उपचार कर्जन्हास्थित फूलकुमारी महतो मेमोरियल अस्पतालमा भइरहेको छ ।

हेलमेट प्रहार गर्ने सिंहलाई ईप्रका मिर्चैयाले नियन्त्रणमा राखेको छ । सिंह कल्याणपुर वडा ८ का तत्कालिन एमालेबाट निर्वाचित वडा सदस्य समेत हुन् ।

झडपको कारण खुल्न नसकेको र घटना सम्बन्धमा थप अनुसन्धान भईरहेकोे ईलाका प्रहरी कार्यालय मिर्चैयाका डिएसपी दिपेन्द्र शाहले बताउनुभयो ।