मधेश प्रदेशमा तीन मन्त्रीको जिम्मेवारी बाँडिए, लखन दास बने उर्जा तथा सिँचाई मन्त्री

न्यूज ब्यूरो, जनकपुरधाम । मधेश प्रदेशका नयाँ मुख्यमन्त्री सरोजकुमार यादवले तीन बिना बिभागीय मन्त्रीलाई सोमबार जिम्मेवारी तोकेका छन् ।

मुख्यमन्त्री यादवले तीनै जना बिना विभागीय मन्त्रीलाई जिम्मेवारी तोकेको हो । जसमध्ये चर्चामा रहेका लखन दास तत्मालाई उर्जा, सिँचाई तथा खानेपानी मन्त्रालयको जिम्मेवारी तोकिएको छ । निर्वाचित भएपछि उनलाई मन्त्री बन्न नदिनको लागि कैयौँ नेताहरुले कसरत गरेपनि सरोजकुमार यादवले उनलाई मन्त्री बनाएको हो ।

बर्दिवासको एक होटलमा सपथ खाएका तीनैमध्ये नेपाल संघीय समाजवादी पार्टीका बिमला अन्सारीलाई गृह, सँचार तथा कानुन मन्त्रालयको जिम्मेवारदी तोकिएको हो ।

मन्त्री मण्डलमा राप्रपाकी कञ्चन विच्छालाई भने वन तथा वातावरण मन्त्रालयको जिम्मेवारी तोकिएको हो ।

२ मंसिरमा सर्वोच्च अदालतले मुख्यमन्त्री यादवलाई कुनै पनि नीतिगत र दीर्घकालीन प्रभाव पार्ने निर्णय नगराउन अन्तरिम आदेश दिएको थियो । यो आदेश मुद्दाको अन्तिम किनारा नलागेसम्म कायम हुने उल्लेख थियो ।