धनुषाधामको हरिपुर क्रिकेट टुर्नामेन्टको उपाधीमाथि विदेहको कब्जा

न्यूज ब्यूरो, जनकपुरधाम । धनुषाको धनुषाधाम नगरपालिका वडा नं. ६ हरिपुरमा सम्पन्न भएको नगरस्तरीय क्रिकेट टुर्नामेन्टको उपाधी विदेह नगरपालिकाले जितेको छ ।

शनिबार सम्पन्न जनकपुर र विदेह नगरपालिकाबीचको खेलमा विदेह नगरपालिका ३ विकेटले जीत हासिल गरेका हुन् ।

गत कार्तिक १० गतेदेखि सुरु भएको क्रिकेट टुर्नामेन्ट कार्तिक १९ गतेसम्म चलेको थियो । बीचमा खेल रोकिएर फाईनल खेल शनिबार गराएको आयोजकले जनाएको छ ।

जित हासिल गरेका विदेह नगरपालिकाका टिमलाई आयोजकले ४० हजार नगद र ट्रफीसहित सम्मान गरेको हो । रनरअपमा रहेका जनकपुरधाम उपमहानगरपालिकाको टिमलाई २१ हजार रुपैयाँ र दोस्रो ट्रफी प्रदान गरिएको आयोजक समितिका मोख्तार हुसैनले जानकारी दिए ।

धनुषाधाम ६ हरिपुर युवा क्रिकेट टिमका सँयोजक धर्मनाथ महतोको अध्यक्षता तथा नगर प्रमुख बालेश्वर मण्डलको प्रमुख आतिथ्यमा उदघाटन गरिएको थियो ।

वडा नं. ६ का वडाध्यक्षसहित विभिन्न वडाका जनप्रतिनीधिहरुको उपस्थितिमा म्याच सम्पन्न भएको थियो ।