इतिहास रचे भारतीय महिला क्रिकेट टिम, उचाले आईसीसी महिला विश्वकपको ट्रफी

न्यूज ब्यूरो, जनकपुरधाम ।  आइतबार साँझ डीवाइ पाटिल स्टेडियममा खेलिएको रोमाञ्चक फाइनलमा भारतीय महिला क्रिकेट टिमले दक्षिण अफ्रिकालाई ५२ रनले पराजित गर्दै आफ्नो पहिलो आईसीसी महिला विश्वकपको उपाधि जितेको छ। भारतले दिएको २९८/७ को लक्ष्यलाई बलियो प्रदर्शन गर्दै प्रतिद्वन्दीलाई २४६ रनमा अलआउट गरायो। 

टस जितेर ब्याटिङ रोजेको भारतले खुल्ने ब्याट्सम्यान शफाली वर्माको धमाकेदार ८७ रन र अन्य मध्यक्रमीय योगदानले ५० ओभरमा २९८ रन बनायो। जवाफमा भारतीय बलिङले सतर्क र सम्हालिने खेल देखाउँदै दक्षिण अफ्रिकालाई अन्तिमसम्म दबाबमा राख्यो र ४५.३ ओभरमै २४६ रनमा समेट्यो। डेप्थी शर्माले निर्णायक बलिङ गर्दै पाँच विकेट लिएर भारतीय जित सुनिश्चित गरिन्। 

कप्तान हरमनप्रीत कौरले जितेका निर्णायक क्षणहरूमा टोलीलाई नेतृत्व गरिन्—उनले फाइनलको अन्तिम चरणमा एक निर्णायक क्याच समातेर खेल टुंग्याएकी पनि महिला खेलप्रेमीबीच चर्चाको विषय बन्यो। खेलपछि हरमनप्रीतले यो क्षणलाई “नयाँ अध्यायको सुरुवात” भनेकी छन् र खेलाडीहरू आँसु र खुशीले झलमल्ल थिए।

पुरस्कार र विशिष्ट सम्मानस् शफाली वर्मालाई प्लेयर अफ द म्याचको सम्मान दिइएको र डेप्थी शर्मालाई टुर्नामेन्टको सर्वोत्कृष्ट प्रदर्शनका लागि प्लेयर अफ द टुर्नामेन्ट घोषित गरिएको रिपोर्टमा उल्लेख छ। ती खेलाडीहरूको व्यक्तिगत उत्कृष्टताले टोलीलाई विजयी बनाएको थियो। 

जितसँगै भारतभरि जश्नको वातावरण सिर्जना भयो । दर्शक, पूर्व खेलाडी र राजनैतिक हस्तीहरूले सामाजिक सञ्जाल र स्टेडियममा बधाई दिइरहेका थिए। विशेषज्ञहरूका अनुसार यो जीतले महिला खेलप्रति भारतको ध्यान, लगानी र समर्थकहरूको विश्वास बढाउनेछ ।