चुनावमा म लडन पाएन भने देशमा चुनाव हुँदैनः रेशम चौधरी 

न्यूज ब्यूरो, जनकपुरधाम । मधेश प्रदेशमा जारी राजनीतिक ट्रयालले समस्या उत्पन्न भएको छ । 

मधेश प्रदेशको मुख्यमन्त्रीमा एमालेका नेता सरोजकुमार यादवलाई मुख्यमन्त्री बनाएपछि बाँकीका दलहरु आन्दोलन सुरु गरेका छन् । उनीहरुले बिहानैदेखि मधेश भवन पुगेर विभिन्न मन्त्रालयमा तोडफोडको साथै तालाबन्दी समेत गरेको हो । 

सरोजकुमार यादवलाई प्रदेश प्रमुख सुमित्रा भण्डारीले चोरबाटोबाट मुख्यमन्त्री बनाएको आरोप छ । भण्डारीले यादवलाई बर्दिवासको एक होटलमा लगेर सपथ खुवाएको आरोप लगाउँदै संविधानलाई मिचेर मुख्यमन्त्री बनाएको आरोप लगाइएको छ । 

विहानैदेखि जसपा नेपाल, लोसपा, माओवादी, जनमत, नेकपा एसका नेता कार्यकर्ताहरुले मधेश भवनमा तालाबन्दी गर्न सुरु गरेका छन् । 

प्रदेश प्रमुखले संबिधानको धारा १६८(२)लाई छलेर (३) मा प्रवेश गरी कानुन विपरित सपथ खुवाएको भन्दै आलोचना भएको छ । यसको विरुद्धमा एमालका नेताहरु समेत रुष्ट भएका छन् भने विरोध जनाएका छन् । 

संविधानको धारा १६८ (४) र (५) अनुसार मुख्यमन्त्रीले एक महिनाभित्र विश्वासको मत लिनुपर्ने भएको छ । विश्वासको मत प्राप्त गर्न नसके पुनः बहुमतकै आधारमा मुख्यमन्त्री चयन हुने छ ।