मलेठ घटनाको छानबिन प्रदेश २ का सरकारले आफैँ गर्ने, केन्द्र सरकारलाई टक्कर

न्यूज ब्यूरो |
जनकपुरधाम, ७ साउन | प्रदेश नं. २को सरकारले मलेठ घटना बारे छुट्टै छानविन गर्ने निर्णय गरेको छ ।

मन्त्री परिषदको आज बसेको बैठकले छानविनको लागि आन्तरिक मामिला तथा कानून मन्त्री ज्ञानेन्द्र यादवको संयोकत्वमा ३ सदस्यीय मन्त्री स्तरीय कमिटी गठन गरेको हो ।

समितिमा समाजिक विकास मन्त्री नवल किशोर साह र भूमि व्यवस्था कृषि तथा सहकारी मन्त्री शैलेन्द्र साह रहनु भएको छ ।

छानविन समितिको सदस्य समितिको सदस्यसचिवमा मुख्यन्यायधिवक्ता कार्यालयका उपन्यायधिवक्ता कृष्ण प्रसाद बराललाई राखिएको छ ।

समितिले १५ तिन भित्र मलेठ घटनाको निष्पक्ष छानविन गरि मन्त्री परिषदमा प्रतिवेदन गर्नेछन ।