जनकपुर न्यूरो हस्पिटलको प्राविधिक सहयोगले महोत्तरीमा निःशुल्क स्वास्थ्य शिविर, सयौँले लिए सेवा

न्यूज ब्यूरो, जनकपुरधाम । जनकपुरधामस्थित सँचालनमा रहेको मधेश प्रदेशको एक मात्र न्यूरो हस्पिटलको प्राविधिक सहयोगमा महोत्तरीमा निःशुल्क स्वास्थ्य शिविर गरिएको छ ।

जनकपुर न्यूरो हस्पिटल एण्ड रिसर्च प्रा.लि.को प्राविधिक सहयोगमा महोत्तरीको महोत्तरी गाउँपालिका वडा नं. २ अनैठामा शिविर गरिएको हो ।

लायन्स क्लब अफ काठमान्डु मिथिला सिटिको आयोजना आईतबार सम्पन्न शिविरमा सयौँ जनाले निःशुल्क सेवा लिएको हो । क्लबका अध्यक्ष आनन्द मण्डलको विशेष सक्रियतामा राखिएको शिविरमा न्यूरो हस्पिटल जनकपुरले प्राविधिक सहयोग उपलब्ध गराएको थियो ।

शिविरमा नशा तथा स्नायू, स्त्री तथा प्रसूति रोग, नाक, कान, घाँटी, हड्डी, जेनेरल फिजिसियन लगायतका सेवाहरु प्रदान गरिएको जनकपुर न्यूरो हस्पिटलका प्रवक्ता एवम् सूचना अधिकारी सँजय कुमार मण्डलले जानकारी दिए ।

उनका अनुसार, लायन्स क्लबको आयोजनामा भएको शिविरमा जनकपुर न्यूरो हस्पिटलले दक्ष चिकित्कहरुको टोली, नर्सहरुको टोली उपलब्ध गराएको थियो । साथै प्राविधिक सहयोग उपलब्ध गराएर शिविरमा सयौँ जनालाई निशुल्क सेवा दिएको हो ।

वडा नं. २ का वडाध्यक्ष सँजय यादवको विशेष उपस्थितिमा भएको शिविरको क्रममा विभिन्न रोगीहरुलाई निःशुल्क औषधी समेत प्रदान गरिएको थियो ।