धनुषाधाममा एमालेको शुभकामना आदान प्रदान, देशको परिस्थितिमाथि चर्चा

न्यूज ब्यूरो, जनकपुरधाम । नेपाल कम्युनिस्ट पार्टी (एमाले) ले धनुषाधाममा शुभकामना आदान प्रदानको साथै देशको वर्तमान परिस्थितिबारे छलफल गरेको छ ।

पार्टीको धनुषाधाम नगरपालिका नगर कमिटीको आयोजनामा गरिएको शुभकामना आदान प्रदान कार्यक्रममा पार्टीको विस्तारित भेला समेत राखिएको एमालेका जिल्ला सचिव दिपनारायण ठाकुरले जानकारी दिए ।

शुक्रबार राखिएको सो कार्यक्रममा देशको वर्तमान परिस्थिति, राजनीतिक गतिविधिहरुको बारेमा पार्टीका वडास्तरीय नेता कार्यकर्ताहरुसँग छफल भएको ठाकुरले जनाए ।

सो क्रममा वडा स्तरीय रिपोर्टिङ तथा वडा स्तरीय बैठक सम्बन्धमा बृहत् छलफल तथा निर्णयहरु गरिएको सचिव ठाकुरले बताए ।