सिरहामा भयावह बन्दै आत्महत्या, पुनः एक पुरुष झुण्डिए

न्यूज ब्यूरो |

सिरहा, ४ साउन । सिरहामा एकजना पुरुषले झुण्डिएर आत्महत्या गरेको छ । सिरहाको अर्नमा गाउँपालिका–४ का ३५ वर्षीय शम्भु धानुक मण्डलले शुक्रबार करिब साढे ५ बजे आफ्नै घरको छानोमा पासो लगाई आत्महत्या गरेको हो ।

घरायसी विवादका कारण मण्डलले पासो लगाई आत्महत्या गरेको जिप्रका सिरहाका प्रहरी नायव उपरीक्षक माधव रावत खरेलले जानकारी दिए । मृतकको शव पोस्टमार्टमका लागि लहान लगिएको डिएसपी खरेलले बताए ।

पछिल्लो समय सिरहामा आत्महत्याको रुप भयावह बन्दै गएको छ । २० वर्ष पार गरिसकेका पुरुष, महिला शारीरिक, मानसिक, भावनात्मक रुपले परिपक्व भएपनि परिवारभित्र उनीहरुको भावनाको सम्मान नहँुदा उनीहरुले अत्महत्यासम्मको बाटो रोज्न बाध्य हुने गरेको बताइन्छ ।