व्यक्तिगत रिसबी, राजनीतिक प्रतिशोधले मेरो घर लुटे र जलाए, कारवाही प्रक्रिया सुरु भयोः नेता महासेठ

न्यूज ब्यूरो, जनकपुरधाम । एमालेका केन्द्रीय सचिव एवम् पूर्व मन्त्री रघुवीर महासेठले व्यक्तिगत रिसबी र राजनीतिक प्रतिशोधले घरमा लुटपाट गरी आगो लगाएको बताएका छन् ।

शुक्रबार जनकपुर आईपुगेका केन्द्रीय सचिव महासेठ आफ्नो घरको नीरिक्षणको क्रममा उनले आफ्नो घरमा व्यक्तिगत रिसबी र राजनीतिक प्रतिशोधले आगो लगाएको बताए ।

जेनजी आन्दोलनको नाममा मौका छोपेर विभिन्न राजनीतिक दलका कार्यकर्ताहरुले घरमा आगो लगाएको सबुत प्रमाण जुटाएको बताउँदै उनले आधा दर्जन बढीको मुखौटा पहिचान भईकेको र कारवाहीको लागि प्रक्रिय थाल्ने बताए ।

मधेश प्रदेशका मुख्यमन्त्री सतिश कुमार सिँह समेतको टोलीले महासेठको घरमा अवलोकन नीरिक्षण गर्न पुगेका थिए । आन्दोलनको नाममा मच्चाएको बितण्डाको परिणाम उच्छृँगल व्यक्तिले भोग्नुपर्ने महासेठले बताए ।

उनले भने,–“म राजनीतिमा साँसद मन्त्री बन्नुभन्दा अगाडी नै यो घर बनाएको थिए, त्यतिबेला कुनै पदमा थिएन, साधारण राजनीतिमा ओर्लेका थिए, मेरो पैतृक सम्पति हो, तर यसलाई राजनीतिसँग जोडेर जसरी व्यक्तिगत रिसबी साधिएको छ, यसको परिणाम उनीहरुले भोग्नैपर्छ । उनीहरु घरभित्र पसेर पहिले लुटपाट गरेको छ, त्यसपछि आगो लगाइदिएको छ । जेनजीको नाममा भएको घुसपैठको सबुत प्रमाणहरु जुटीसकेको छ । प्रमाणसहित मुद्दा चलाउने तयारी भइरहेको छ ।”

नीरिक्षणको क्रममा मधेशका मुख्यमन्त्री, विभिन्न मन्त्री, एमालेका नेता कार्यकर्ताहरु, शुभचिन्तकहरुको उपस्थिति रहेको थियो ।