जनकपुरः गणेशको मूर्ति बिसर्जनमा मुसलमानहरुले फाले पत्थर, दुई समुदायबीच झडप !

न्यूज ब्यूरो, जनकपुरधाम । जनकपुरमा गणेश पूजापछि मूर्ति बिसर्जनको क्रममा मुस्लिम समुदायका व्यक्तिहरुले ढुँगामुढा गरेपछि झडप भएको छ ।

गणेश चतुर्थीपछि मूर्ति बिसर्जन गर्न गईरहेका हिन्दु समुदायको यात्रामाथि मुस्लिम समुदायका केही व्यक्तिहरुले पत्थरवाजी गरेपछि दुईतर्फी झडप भएको हो ।

शनिबार जनकपुरधाम उपमहानगरपालिका वडा नं. २० देवपुरा रुपैठास्थित आयोजन गरिएको गणेश पूजनोत्सवपछि मूर्ति बिसर्जनमा झडप भएको जिल्ला प्रहरी कार्यालय धनुषाले जनाएको छ ।

गणेशको मूर्ति लिएर बिसर्जन गर्न जाँदै गर्दा त्यहाँ रहेका मुस्लिम समुदायका व्यक्तिहरुले पत्थर फालेको स्थानीयहरुलाई उदृत गर्दै प्रहरीले जनाएको छ । पत्थरबाजीपछि दुईतर्फा झडप भएको बताईएको छ ।

धनुषा प्रशासनले भने रुपैठाको सार्वजनिक लाईट पोलमा लगाइएको इस्लामिक झण्डा हटाउन खोजेपछि झडप सुुरु भएको जनाएको छ । प्रारम्भिक जानकारी अनुसार, मुस्लिम समुदाय सार्वजनिक ठाउँको पोलमा ठुल ठुला धार्मिक झण्डा लगाएका थिए । गणेश पूजा भईरहेको बेला उनीहरुले सो झण्डा लगाएको बताईएको छ । झण्डाकै कारण विवाद भएको बुझिएको छ ।

प्रत्येक बर्ष हिन्दुहरुको पूजाआजामा त्यहाँ रहेका मुस्लिम समुदायका केही युवकहरुले उच्छृँगल गतिविधि गर्दै आएका छन् । विदेशबाट ग्रुप बनाएका त्यहाँका केही मुस्लिम समुदायका व्यक्तिहरुले हिन्दुहरुको चाडपर्वमा अवरोध गरे वापत रकम पाउने गरेको खुलेको छ । साउदी, कत्तार, मलेसिया लगायत वैदेशिक रोजगारीमा रहेका केही युवकहरुले ग्रुप बनाएर हिन्दुहरुको चाडपर्वमा अवरोधको योजना तहत काम गर्दै आएको आरोप छ ।

गणेश मूर्ति बिसर्जनको लागि लिएर जाँदै गर्दा मुस्लिमहरुको घर रहेको बाटो भएर लैजान नदिने अडानको साथै पत्थरबाजी गरेपछि झडप भएको हो । दशैँ, दुर्गा पूजा, छठमा समेत त्यहाँका मुस्लिम समुदायका केही युवकहरुले प्रोपागाण्डा हिसाबले बलजफ्ती अवरोध पुरयाउँदै आएको हिन्दु सम्राट नेपालको आरोप छ ।

दुई तर्फा झडप भएपछि जिल्ला प्रशासन कार्यालय धनुषाले मोटो सँख्यामा प्रहरी परिचालन गरेको छ । स्थिति नियन्त्रणमा आएपनि सो स्थानमा सुरक्षाकर्मी खटाईएको छ ।