धनुषा र सिरहामा कमला महिमा अध्यात्मिक एवम् पर्यावरणीय संवाद यात्रा सुरु

न्यूज ब्यूरो, जनकपुरधाम । ऐतिहासिक एवम् अध्यात्यमिक नदी कमला अथार्त कमलेश्वरीको महिमा पुर्नजागृत गर्न कमला बचाउ अभियानले कमला महिमा अध्यात्मिक एवम् पर्यावरणीय संवाद यात्रा सुरु गरेको छ ।

कमला बचाउ अभियानका सँयोजक विक्रम यादवले धनुषा र सिरहाको विभिन्न ताल तलैया, पोखरी, नदी, चापाकल, डीप बोर्डिँग, स्यालो ट्युबेलबाट बिना कमलेश्वरी पूजनको सिँचाई असम्भव रहेको बताउँदै यसकोम महिमा पुर्नजागृत गर्न यात्रा सुरु भएको बताएका छन् ।

धनुषाको कमला नगरपालिका वडा नं. ५ टरिया लक्कडस्थित निर्माणधीन कमलेश्वरी मन्दिरबाट सुरु भएको कमला महिमा र पर्यावरणीय संवाद यात्रामा स्थानीयहरुको उपस्थितिले कमलाको महिमा र कमलेश्वरप्रतिको आस्थालाई झल्कायो ।

विभिन्न स्थानमा नयाँ चापाकल जडान गर्दा, बोर्डिँग जडान गर्दा वा सिँचाई तथा खानेपानी सम्बन्धी कुनै यन्त्र जडान गर्दा कमलेश्वरीको पूजा अनिवार्य भईरहेको अवस्थामा यसको वास्तविकता, मूलमर्म, महिमा र पयार्वरणीय धारणालाई जनमानसमा उजागर गर्ने लक्ष्यसहित संवाद यात्रा सुरु गरिएको सँयोजक यादवले बताए ।

“घर घर कमला अभियानक अवाज,स्वच्छ जल–जीवन समृद्ध समाज। घर घर कमला जनकक गथा,सिताक नाता हमर सभक आस्था” मूल नाराको साथ धनुषा र सिरहाको कमला छेउका ग्रामिण मात्र नभई जिल्लाभरिको स्थान गाउँहरुमा पुगेर कमलाको महिमाप्रति संवाद गरिने सँयोजक यादवको कथन छ ।

बाबापूर्खाहरुले कमलेश्वरी पूजनले कुनै सिँचाई कार्य सुरु गर्दा क्वीन्टलको क्वीन्टल धान गेहुँ फलाउनुमा वैज्ञानिक कारण र धार्मिक कारण समेत रहेकोले यसलाई उजागर गर्नको लागि यो संवाद यात्रा सुरु गरिएको उनले बताए ।

धनुषा र सिरहाका स्थानीयहरुले आफ्नो पोखरी, तलाउ, नदीमा कमलेश्वरी पूजनको शुभारम्भ गरी पौराणिक आस्थासँग जुडनको लागि आग्रह गरे । संवाद यात्राको लागि कमला बचाउ अभियानले सहयोग गर्ने उनले थपे ।

अभियान प्रारम्भ कमला नपा ५ का स्थानीय समाजसेवी रामशंकर यादवको अध्यक्षता तथा पर्यावरणबिद्ध मिथिला वाईल्ड लाईफ ट्रष्टका अध्यक्ष देवनारायण मंडल ज्युको प्रमुख आतिथ्यमा भयो । जसमा स्थानीय समाजसेवी राम खेलाउन यादव, संतोषी यादव,देवु यादव ,रामचन्द्र यादव,रमेश यादव,संजिव यादव,पत्रकार काशिन्द्र शर्मा,किसोर मंडल लगाईत सयौं स्थानीय भरभलादमीको उपस्थिति कमलेश्वरीप्रतिको आस्था झल्कायो ।