मिथिलाबिहारी नगरपालिकामा आज शोक विदा

न्यूज ब्यूरो, जनकपुरधाम । धनुषाको मिथिलाबिहारी नगरपालिकामा आज एक दिने शोक विदा दिइएको छ ।

नगरपालिकामा कार्यरत एक कर्मचारीको असमायिक निधन भएको भन्दै मिथिलाबिहारी नगरपालिकाले एक सूचना जारी गर्दै एक दिने शोक विदाको घोषणा गरेको हो ।

नगर प्रमुख राजेन्द्र प्रसाद यादवद्धारा जारी गरिएको सूचनामा नगरपालिकामा कार्यरत नासु ओम जगत साहको बुधबार असमायिक निधन भएकोले आज बिहिबार नगरपालिकाभरिको सरकारी कार्यालय, स्कूलहरु बन्द रहने भएको छ ।