अमेरिकामा रहेका मधेशी समुदायको पिकनिक, असहायलाई सहयोगको प्रतिवद्धता
कार्यक्रममा सहभागीहरुले समसामयिक विषयवस्तुमा छलफल गर्दै नयाँ आउने मधेशी समुदायका सदस्यहरुलाई सहयोग पुर्‍याउने र अमेरिकामा कठिनाइमा परेका असहाय व्यक्तिहरुलाई आवश्यक सहयोग गर्ने निर्णयसमेत गरेका छन्। सहभागीहरुले आपसी सम्बन्धलाई अझ प्रगाढ बनाउन यस्ता सांस्कृतिक तथा मनोरञ्जनात्मक गतिविधि निरन्तर आयोजना गर्ने प्रतिबद्धता व्यक्त गरे।
२०८२ साउन २७ मंगलबार, बिहान ९:२७ बजे१ मिनेट पढाइ
अमेरिका | अमेरिकामा रहेका मधेशी समुदायबीच आपसी भेटघाट, सांस्कृतिक एकता र सहयोगी भावना अभिवृद्धि गर्ने उद्देश्यका साथ मधेशी एशोसिएशन इन अमेरिका MAA द्वारा समर पिकनिक (वनभोज) कार्यक्रम सम्पन्न भएको छ।
अमेरिकाको पिट्सवर्गस्थित मनोरम स्थलमा सम्पन्न उक्त वनभोज कार्यक्रममा संघका पिट्सवर्ग च्याप्टरका अध्यक्ष राम साहको अध्यक्षता तथा केन्द्रीय उपाध्यक्ष धर्मेन्द्र झाको विशेष उपस्थितिमा विविध कार्यक्रमहरु सञ्चालन गरियो।
कार्यक्रममा सहभागीहरुले समसामयिक विषयवस्तुमा छलफल गर्दै नयाँ आउने मधेशी समुदायका सदस्यहरुलाई सहयोग पुर्याउने र अमेरिकामा कठिनाइमा परेका असहाय व्यक्तिहरुलाई आवश्यक सहयोग गर्ने निर्णयसमेत गरेका छन्। सहभागीहरुले आपसी सम्बन्धलाई अझ प्रगाढ बनाउन यस्ता सांस्कृतिक तथा मनोरञ्जनात्मक गतिविधि निरन्तर आयोजना गर्ने प्रतिबद्धता व्यक्त गरे।
वनभोजमा मधेशी समुदायले खाने विभिन्न परिकार, खेलकुद, संगीत तथा रमाइलो संवादमार्फत सहभागिता जनाउँदै उपस्थितिहरुले आफ्नो अनुभव र विचारहरू आदान–प्रदान गरेका थिए।
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…