सीमा क्षेत्रबाट आउने पर्यटकलाई चेकजाँचको नाममा झनझट नदिनुः पर्यटनमन्त्री कुशवाहा

न्यूज ब्यूरो, जनकपुरधाम । मधेश प्रदेशका पर्यटनमन्त्री ई. बसन्त कुशवाहाले मधेश प्रदेशको सीमा क्षेत्रबाट नेपाल आउने पर्यटकलाई अनावश्यक झनझट नदिन सबै जिल्लाका सिडिओलाई निर्देशन दिएका छन् ।

मन्त्री कुशवाहाले मधेश प्रदेशको ८ वटै जिल्लाको सीमा क्षेत्रबाट नेपाल भित्रिने पर्यटकलाई चेकजाँचको नाममा अनाश्यवक झनझन नगरी आवश्यक सहजीकरण गर्नको लागि पत्राचार गरेका छन् ।

नेपालमा छिमेकी मुलक भारतबाट अधिक सँख्यामा पर्यटकहरु नेपाल आउने गरेकोमा बोर्डरमा चेकजाँचको नाममा सुरक्षाकर्मीहरुले पर्यटकलाई दुःख दिने गरेको गुनासो बढेपछि मन्त्री कुशवाहाले पर्यटकहरुलाई सहजीकरण गर्नको लागि जिल्ला प्रशासन कार्यालयहरुलाई पत्राचार गरेको छ ।

भारतबाट आउने पर्यटकहरुबाट यहाँका व्यवसाय फस्टाउने, आर्थिक स्रोत बढने, पर्यटकीय क्षेत्रको विकास हुने भएकोले चेकजाँचको नाममा अनाश्यक दुःख नदिन निर्देशन दिएका छन् ।