जनकपुरः मोसा दुर्घटनामा परी एक युवकको मृत्यू

न्यूज ब्यूरो, जनकपुरधाम । धनुषामा मोटरसाईकल दुर्घटना हुँदा एक युवकको ज्यान गएको छ । धनुषाको मिथिलाबिहारी नगरपालिका वडा नम्बर ४ रमौलस्थित दुर्घटना भएको हो ।

रमौलदेखि दक्षिणतर्फको सडक खण्डमा शनिबार बेलुकी भएको मोटरसाईकल दुर्घटनामा धनुषाको हंसपुर नगरपालिका वडा नम्बर ४ मधुकरीका २५ वर्षीय उदय राउतको मृत्यू भएको हो ।

उदय राउत मधेस प्रदेश ०२–००५ प ल ८८४२ नम्बरको मोटरसाइकलमा सवार थिए। तीव्र गतिमा रहेको मोटरसाइकल अनियन्त्रित भई सडकमा दुर्घटनाग्रस्त भएको थियो । गम्भिर घाईते भएका राउतलाई उपचारको लागि प्रादेशिक अस्पताल पुरयाएकोमा उनको बाटोमै मृत्यू भएको थियो । चिकित्सकले उनलाई मृत घोषित गरेको हो ।

ललिया प्रहरी चौकीका ईन्चार्ज असई योगेन्द्र चौधरीका अनुसार घाइते राउतको अवस्था त्यतिबेला चिन्ताजनक रहेको थियो ।