कमला क्रिकेट लिगः दोस्रो दिन दुई खेलमा वडा नं. १ र ४ विजयी

न्यूज ब्यूरो, जनकपुरधाम । कमला नगरपालिकामा जारी रहेको कमला क्रिकेट लिगको दोस्रो दिनको खेलमा वडा नं. १ र वडा नं. ४ का टिमले जीत निकालेका छन् ।

शनिबार भएको वडा नं. १ सँग वडा नं. ७ र वडा नं. ८ सँग वडा नं. ४ को दुई खेलमा वडा नं. १ र ४ विजयी भएका हुन् ।

पहिलो खेलमा वडा नं. १ ले १६ ओभरमा ४ विकेट गुमाउँदै १८३ रन जोडे । जवाफीमा उत्रेका वडा नं. ७ ले १० ओभरमै सबै विकेट गुमाएपछि पराजित भएको हो । उनीहरुले ८३ रन बनाउँदै सबै विकेट खसालेका थिए ।

यस्तै दोस्रो खेलमा वडा नं. ८ को टिमले १२ ओभरमा ९६ रन बनाउदै अल आउट भए । जवाफी ब्याटिँगमा उत्रेकामा वडा नं. ४ ले ३ विकेटको क्षतिमा ८ ओभरमै ९७ रन बनाएर विजयी हाँसिल गरेको आयोजक कमला युवा सँजालका अध्यक्ष विमलेश यादवले जानकारी दिए ।