२०८४ मा कमला नगरपालिकाको लागि काँग्रेस पार्टीबाट नेतृत्व गर्नेछुः यादव

न्यूज ब्यूरो, जनकपुरधाम । पूर्वी धनुषाको कमला नगरपालिकाबाट नेपाली काँग्रेसका सत्यनारायण (नागे) यादवले २०८४ मा चुनाव लडने संकेत दिएका छन् ।

शुक्रबार कमला युवा सँजाजलको आयोजनामा सुरु भएको १४ दिने कमला क्रिकेट लिगको उद्घाटन कार्यक्रम सकिएपछि अनौपचारिक रुपमा सँचारकर्मीसँग प्रतिक्रिया दिँदै उनले आउँदो २०८४ को स्थानीय तहको चुनावमा मेयर पदमा उम्मेदवारी दिने संकेत जनाएका छन् ।

लिगको उदघाटन गर्न कमला नगरपालिकाको वडा नं. ९ दुबरकोटस्थित प्रमुख अतिथिको आसनबाट बोलिसकेपछि मँच बाहिर उनले कमला नगरपालिकाका जनताले चाहे आफू नेतृत्व गर्न तयार रहेको प्रतिक्रिया दिए ।

खेलाडीहरुसँग हात मिलाउँदे सत्यनारायण यादव, नेपाली काँग्रेस

युवा अवस्थादेखि नै नेपाली काँग्रेसमा लागेका नेपाल टेलिकमका ईन्जिनीयर समेत रहिसकेका कमला नगरपालिका वडा नं. ३ पर्सा निवासी सत्यनारायण यादवले स्थानीय तहको राजनीतिमा होमिने बताएका छन् ।

कमला युवा सँजालका आयोजनमा जारी रहेको क्रिकेट लिगमा आर्थिक सहयोग गरेका छन् । विभिन्न दाताहरुमध्ये यादवले अधिक रकम सहयोग गरी लिग सफल बनाउन शुभकामना दिए ।

कमला युवा सँजालका अध्यक्ष बिमलेश यादवको विशेष आमन्त्रणमा क्रिकेट मैदानमै उनले २०८४ मा नगर प्रमुखको लागि काँग्रेसबाट चुनाव लडने प्रष्टयाए । काँग्रेसले तपाईलाई किन टिकट दिने पत्रकारको एक प्रश्नमा उनले आफू युवा अवस्थादेखि नै काँग्रेसमा निरन्तर लागेको बताउँदै नेतृत्वको भूमिकामा आउनुपरे काँग्रेस पार्टीले आफूलाई नाई नभन्ने दाबी गरे ।

उद्घाटन कार्यक्रममा नेपाली काँग्रेसकी नेतृ एवम् कमला नगरपालिकाकी उपमेयर शिला देवी मण्डल, नेपाली काँग्रेसका क्षेत्रिय नेता नविन गोहिबार, मनोज यादव, बजरँग यादव, वडा नं. ९ का पूर्व वडाध्यक्ष धर्मनाथ मण्डल, सशस्त्र प्रहरी, नेपाल प्रहरीसहितको उपस्थिति रहेको थियो ।

क्रिकेट लिगलाई प्रमुख अतिथि सत्यनारायण यादवले ब्याटिँग गर्दै उद्घाटन गरेका थिए । उपमेयर मण्डलले बलिँग गरेकी थिईन् ।