जनकपुर देखि ढल्केवरसम्म वनमन्त्री यादवको वृक्षारोपण अभियान सुरु

न्यूज ब्यूरो, जनकपुरधाम । मधेश प्रदेश सरकारका वनमन्त्री सँजय यादवले जनकपुरधामदेखि ढल्केवरसम्म विरुवा रोपण कार्यक्रमको शुभारम्भ गरेका छन् ।

जनकपुरधाममा शनिबार आयोजित एक समारोहबीच मुख्यमन्त्री सतिश सिँहको प्रमुख आतिथ्यमा विरुवा रोपण कार्यक्रमको शुभारम्भ गरिएको छ ।

वन तथा वातावरण मन्त्री यादवले जनकपुरदेखि ढल्केवरसम्मको ६ लेन सडक खण्ड अन्तर्गत बीचमा राखिएको डिभाइडर अन्तर्गत गुलमोहरको विरुवा रोपण गरी कार्यक्रमको शुभारम्भ गरेका हुन् ।

राष्ट्रिय वृक्षारोपण दिवस २०८२ को अवसर पारेृर मन्त्री यादवले विरुवा रोपण कार्यक्रम अभियान सुरु गरेको हो । वन मन्त्रालयको अगुवाईमा विरुवाको संरक्षण र रेखदेख हुने उनले बताए ।

सो सडकमा गुलमोहर फले स्वर्गझै देखिने मन्त्री यादवको भनाई थियो । वातावरणीय हिसाबले समेत सडकखण्डमा प्रदुषण न्यून गर्ने उनले बताए ।