पाकिस्तानको उत्तरी वाजिरिस्तानमा विस्फोटमा परी छ जनाको मृत्यु, आठ घाइते

इश्लामावाद, पाकिस्तान, १९ मङ्सिर : पाकिस्तानको उत्तरी वाजिरिस्तानमा मङ्गलबार विस्फोट हुँदा कम्तीमा छ जनाको मृत्यु भएको छ ।

स्थानीय सञ्चारमाध्यमले जनाएअनुसार विस्पोटमा परी छ जनाको मृत्यु भएको छ भने आठ जना घाइते भएका छन् ।

सडक किनारामा मोटरसाइकल पार्क गरी राखेको स्थानमा विछ्याइएको विष्फोटक पदार्थ तीन सामान्य नागरिकसहित आएको एउटा सैनिक गाडीलाई लक्षित गरी पड्काइएको एक प्रत्यक्षदर्शीले बताएका छन् । घटनाबारे थप विवरण आइन केही समय लाग्ने स्थानीय प्रहरीले जनाएको छ ।

घटनाको जिम्मेवारी समाचार तयार पार्दासम्म कुनै समूहले लिएको छैन ।