औरही गापाका युवाहरु टोलटोलमा भ्रष्टाचार विरुद्धको अभियान तताउँदै

न्यूज ब्यूरो |

सिरहा, २७ असार । सिरहाको औरही गाउँपालिकाका युवाहरुले सञ्चालन गरेको भ्रष्टाचार विरुद्धको अभियान गापाका विभिन्न वडाहरुमा तताएका छन् । गापामा मौलाइरहेको भ्रष्टाचार नियन्त्रण गर्नका लागि स्वतन्त्र युवा समाज औरहीका युवाहरुले आज तेश्रो दिन पनि अभियानलाई निरन्तरता दिएका हुन् ।

बिकास निर्माण र बजेटलगायतकामा अनियमितता भईरहेको भन्दै युवाहरुले खबरदारी अभियान थालेका छन् । अभियानका क्रममा जुनसुकै वडामा भ्रष्टाचार गर्ने, सूचना लुकाउने, सूचना दिन आनाकानी गर्ने जो कोहीलाई नछाड्ने युवाहरुले खबरदारी गर्दै आएका छन् ।

युवाहरुले भ्रष्टाचार विरुद्धको अभियानसँगै हस्ताक्षर अभियान पनि सञ्चालमा राखेका छन् । अभियानको अन्त्यमा एकदिन गाउँपालिकाको कार्यालय घेराउ र धर्ना कार्यक्रम समेत गर्ने जनाइएको छ ।