कर्जन्हा नगरपालिकाको कार्यालयमा आगजनी

न्यूज ब्यूरो |

सिरहा, २७ असार । सिरहाको कर्जन्हा नगरपालिकाको कार्यालयमा आगजनी गरिएको छ । गएराति करिब १ बजे अपरिचित समुहले आगजनी गरेको हो ।

आगजनीबाट नगरपालिकाको कार्यालय पूर्ण रूपमा क्षतिग्रस्त भएको छ । कार्यालयभित्र रहेका सबै सरसामानहरू जलेर नष्ट भएका छन् । आगजनी हुँदा नगरपालिकाको दैनिक कामकाज प्रभावित भएको छ ।

स्थानीयका अनुसार हिजो राती करिब ९ बजेतिर गुण्डाशैलीमा आएको १५—२० एक समूहले बस्तीपुरबासी उपर आक्रमण गर्न खोजेपछि स्थानीय यूवाहरुले उनीहरुलाई खेदेर भगाएका थिए । उक्त घटनापछि कर्जन्हाको बगहा स्थित रहेको नगरपालिकाको कार्यालयमा आगजनी भएको हो ।

आगजनीका कारण कार्यालयको फर्निचरहरु समेत जलेको छ । आगजनीमा संलग्न समुहको खोजी कार्य जारी रहेको प्रहरीले जनाएको छ ।