सिरहामा सर्पको टोकाइबाट एकको ज्यान गयो

न्यूज ब्यूरो |

सिरहा, २६ असार । सिरहामा सर्पको टोकाइबाट मंगलबार एकजनाको ज्यान गएको छ । सर्पदंशबाट सिकिस्त विरामी परेका सिरहाको गोलबजार ८ चोहर्वा भाइजीटोलका ५५ वर्षीय देवलाल उराउको उपचार गराउन धरान लैजाने क्रममा बाटोमै मृत्यु भएको हो ।

घरमै राती खाना खाएर सुत्न जाने बेलामा उनलाई गोमन सर्प (कोवरा) ले डसेको थियो । जयकाली सर्पदंश उपचार केन्द्र चोहर्वामा उपचार हुन नसकेपछि थप उपचारको लागि धरान लग्दैगर्दा बाटोमै मृत्यु भएको प्रहरीले जनाएको छ ।