एमाले धनुषाको मतगणनाः भोला यादवको अग्रता कायमै, सचिवमा ठाकुरको अग्रता जारी

न्यूज ब्यूरो, जनकपुरधाम । नेपाल कम्यूनिष्ट पार्टी (एमाले) धनुषामा नयाँ नेतृत्वको लागि भएको मतदानपछि मतगणना जारी रहेको छ ।

गएरातीदेखि नै सुरु भएको मगणना बिहान स्थगित गरिएको थियो । बिहानसम्म भएको १५६ मतगणनामा अध्यक्ष पदको लागि रघुवीर महासेठ प्यानलका भोला यादव ९१ मत र लक्ष्मी यादव ६३ मत ल्याएका थिए । पुनः आज दिउँसोदेखि सुरु भएको मतगणनाको क्रममा १५८ मत गणना हुँदा भोला यादव १०४ मत र लक्ष्मी यादव ४८ मत प्राप्त गरेका छन् ।

अध्यक्षमा पदको लागि अहिलेसम्म कुल ३१४ मत गणना हुँदा भोला यादव १९५ मत ल्याएका छन् भने उमाशंकर अडगरिया प्यानलका लक्ष्मी यादव १११ मत ल्याएका छन् ।

यस्तै, सचिव पदमा रघुवीर महासेठ प्यानलका दिप नारायण ठाकुरले कुल १८० मत ल्याएका छन् भने उनका निकटम प्रतिद्धन्द्धी धीरेन्द्र मण्डलले ११६ मत ल्याएका छन् ।

जम्मा खसेको ६१५ मतमध्ये ३१४ मत गणना भईसकेको छ भने ३०१ मत गणना हुन बाँकी रहेको छ ।