एमाले धनुषाको अधिबेशनमा विवाद, निर्वाचन प्रक्रिया अबरुद्ध

न्यूज ब्यूरो, जनकपुरधाम । “ईन्सपेक्टर निकिता मिश्रा” यो नाम जिल्ला प्रहरी कार्यालय धनुषाको प्रहरीहरुमध्ये चर्चित नाम हो । 

जिल्ला प्रहरी कार्यालय धनुषाको महिला तथा बालबालिका शाखामा कार्यरत प्रहरी नीरिक्षक निकिता मिश्राको कमाण्डमा हुने महिला सेलको निर्णयमा ७० प्रतिशत बढी मुद्दा मिलानको रेकर्ड छ । 

मधेश प्रदेश पर्सा जिल्लाको वीरगँज शहर नीजि घर भएकी निकिता वि.सं. २०७९ सालदेखि जिल्ला प्रहरी कार्यालय धनुषामा कार्यरत हुनुहुन्छ । 

कार्यभार सम्हालेदेखि विभिन्न स्थानमा हुने झडप, झै झगडा, समाजिक द्धन्द्धमा कमाण्डरको भूमिकामा प्रायः देखिन्छन्– ईन्सपेक्टर निकिता मिश्रा । 

२५ बर्षिय निकिता मिश्रा धनुषा प्रहरीको “पुलिस अफ द मन्थ” को अवार्डबाट सम्मानित भएकी प्रहरी ईन्सपेक्टर हुन् । धनुषामा हुने विभिन्न अपराधिक घटनाको अनुसन्धान क्रममा धनुषाका प्रहरी प्रमुखहरुले उनलाई कमाण्डर बनाएर पठाउँछन् । 

“प्रहरी अधिकारीले कमाण्डर बनाएर पठाउनुहुन्छ, त्यहाँ काँघमा एउटा जिम्मेवारी हुन्छ । बर्दीको आफ्नो शान छ । मलाई जहाँ पठाएको छ, मैले घटनालाई प्रायः निराकरण गरेर आएको छु । म मधेशकै छोरी हुँ, यहाँको रहनसहन, भेषभूषा, भाषा बुझाई मलाई सरल भएको छ, सायद त्यसले पनि यहाँ आउने मुद्दाहरु चाँडै मिलाउन सकेको छु ।”– मिश्राले भन्नुभयो । 

न्यूज ब्यूरोसँगको संक्षिप्त कुराकानीमा ईन्सपेक्टर मिश्राले २०७९ सालदेखि कार्यरत हुँदा धनुषामा दर्जनौ चर्चित घटनाहरु सटआउट गर्न मुख्य भूमिका निर्वाह गरेकी प्रहरी कर्मचारी हुनुहुन्छ । 

भारतको जम्बु कश्मिरमा बन्धक बनाईएका ३८ जना नेपालीलाई सकुशल फिर्ता ल्याउन, धनुषाको चर्चित खत्वैया घटना, सिद्धार्थ बैँक म्यानेजरको घटना, विदेह ५ मुडिबाको महिलालाई घाँटी छिनिएर गरेको हत्या घटना लगायत दर्जन बढी हाइलाइटेड घटनालाई सटआउट गर्न ईन्सपेक्टर निकिता मिश्राको भूमिका अग्रनी रहेको बताइन्छ । 

“आजसम्म जति पनि आन्दोलन, झडप, विवाद, सम्प्रादायिक द्धन्द्धमा खटेको छु, गएको छु, सबै विवाद साम्य पारेको मेरो रेकर्ड छ । हाम्रा प्रमुख सरले कमाण्डरको जिम्मेवारी दिएपछि अगुवाई मात्र नगरेर घटनालाई साम्य पारेर आउने मेरो लक्ष्य हुन्छ । जबसम्म घटना शान्त हुँदैन, म कमाण्डमै बसिरहेको हुन्छु । जिम्मेवारी भनेको जिम्मेवारी हो ।”– उहाँले भन्नुभयो । 

विभिन्न झडपको घटना, सम्प्रादायिक झडप, समुदायिक द्धन्द्धको क्रममा निकिता मिश्र सबभन्दा अगाडी हुन्छन् । झडप नियन्त्रणको लागि कमाण्ड गर्ने निकिता प्रायः प्रहरीको समूहमा अगाडी भएर अगुवाई गर्ने गर्छन् । 

उहाँ भन्नुहुन्छ–“म नेपाल प्रहरीको कर्मचारी हो, हामीमा महिला पुरुष चल्दैन, महिला होस वा पुरुष, तालिम एउटै भेटिन्छ, त्यहाँ महिलालाई अलग र पुरुषलाई अलग प्रकारको ट्रेनिँग दिँदैन् । महिला हुँदैमा कमजोर हुने होईन नी, जस्तोसुकै परिस्थिति होस, मेरो कमाण्ड भए म पछि हटेको रेकर्ड छैन् । दँगा कसरी नियन्त्रण गर्ने हो, त्यही अर्जुनदृष्टिमा काम गर्छु । त्यसको लागि आम सर्वसाधारणलाई कुनै क्षति नहुने गरी लक्ष्य तय गर्ने गरेका छौँ, अहिलेसम्म सफल छौँ ।”

धनुषा प्रहरीले चलाएको तस्करी नियन्त्रण मिशनमा पनि निकिता मिश्रा कमाण्डरको भूमिकामा प्रायः देखिन्छन् । धनुषाको प्रहरीको यो मिशनमा ईन्सपेक्टर मिश्राले बखुवी आफ्नो ड्युटी निर्वाह गर्ने ईन्सपेक्टर हुन् । 

महिला भएपछि डराउने प्रकृतिको ठान्ने मानसिकतालाई चुनौति दिँदै ईमान्दारीका साथ ड्युटि गर्ने जो कोही निडर, निर्भिक र साहसीक हुन्छन भन्ने धारणाको उजागरको उदाहरण ईन्सपेक्टर निकिता मिश्रालाई श्रेय दिन थालिएको छ । 

जिल्ला प्रहरी कार्यालय धनुषाको महिला सेलमा हुने विभिन्न मुद्दा मिलाउन उनले साम, दाम, दण्ड, भेद सबै प्रयोग गरी मुद्दा मिलान गर्ने प्रहरी ईन्सपेक्टरको रुपमा परिचित हुँदै गएका हुन् । 

ईन्सपेक्टर मिश्रको कमाण्डमा जनकपुरमा लगाइएको गैर समाजिक बैनर, बोर्ड उखेलेर फाल्ने गरिएको छ । उपमहानगरपालिकासँग समन्वय गरी जनकपुरधामको वातावरण समेत अनुकुल बनाउन र प्रदुषण न्यून गर्न कार्य गरिरहेको न्यूजब्यूरोसँग बताउनुभयो । 

ईन्सपेक्टर मिश्राले समाजमा हुने गैर समाजिक गतिविधि, अपराधिक गतिविधि, अश्लिलता फैलाउनेहरुमाथि थप निगरानी बढाएर समाज सन्तुलन गर्नेतर्फ लक्ष्य रहेको बताउनुभयो । उहाँले टिकटक, फेसबुक लगायत समाजिक सँजालमा हुने अश्लिल गतिविधि विरुद्ध प्रमाणहरु भेटिए कारवाहीको लागि केही घण्टा मात्र लाग्ने बताउनुभयो । 

ईन्सपेक्टर निकिता मिश्रालाई धनुषामा सर्वसाधारणहरुले समाजिक सँजाल वा भौतिक रुपमा समेत लेडी सिँघम भनेर सम्बोध गर्न थालेको छ ।