जनकनन्दिनीमा स्वरोजगार गर्न मोटर, फ्रीजसहित विभिन्न समाग्री वितरण

न्यूज ब्यूरो, जनकपुरधाम । धनुषाको जनकनन्दिनी गाउँपालिकामा युवाहरुलाई स्वरोजगार बनाउन विभिन्न समाग्री वितरण गरेको छ ।

जनकनन्दिनी गाउँपालिकामा सँचालनमा रहेको रेमी परियोजना अन्तर्गत वडा नम्बर ४ र वडा नं. ६ का २४ जना व्यक्तिलाई विभिन्न समाग्री प्रदान गरेको हो ।

गाउँपालिका अध्यक्ष दिपिनदेव यादव र उपाध्यक्ष कमला सहगलसहित विभिन्न वडाका वडाध्यक्षहरुको रोहबरमा वडा नं. ४ र ६ का २४ जनालाई पसल थाप्न रेफ्रीजेरेटर (फ्रीज), तरकारी खेती गर्न मोटर, फर्निचर व्यापार गर्न कटर मेसिन लगायत रोजगार गर्न अन्य विभिन्न समाग्रीहरु प्रदान गरिएको रेमी परियोजनाका परिवार परामर्शकर्ता हरिशंकर (सुनिल) पासवानले जानकारी दिए ।

उनका अनुसार, स्थानीय स्तरमै स्वरोजगार बनाउन २४ परिवारलाई विभिन्न समाग्री प्रदान गरिएको हो ।

वितरणको क्रममा वडा नं. १ का वडाध्यक्ष सँतोष गोईत, वडा नं. २ का वडाध्यक्ष अब्दुल मालिक शेख, वडा नं. ३ का विष्णुदेव साह, वडा नं. ४ का दिलिप यादव, वडा नं. ५ का अशोक मण्डल र वडा नं. ६ का वडाध्यक्ष सूर्यदेव यादवको उपस्थिति रहेको थियो ।

वितरणको लागि प्रमुख प्रशासकीय अधिकृत अयोधी दाससहित रोजगार सँयोजक रञ्जय कुमार मरिता, सुरेन्द्र कुमार यादव लगायत कर्मचारीहरुको सहभागिता रहेको थियो ।