विद्युतिय दुर्घटना न्यूनिकरणको लागि धनुषाधाम वितरण केन्द्रद्धारा विद्युत सुरक्षा दिवस

न्यूज ब्यूरो, धनुषा । विद्युतीय दुर्घटना न्यूनीकरणका लागि जनचेतना अभिबृद्धि गर्न नेपाल विद्युत प्राधिकरण धनुषाधाम वितरण केन्द्रले मंगलवार विद्युत सुरक्षा दिवस प्रभातफेरी गरेको छ ।

यो वर्षको नारा ‘दुर्घटनाबाट बच्न सचेत रहुँ, समृद्धिको लागि विद्युतको सदुपयोग गरौं’ सन्देश सहित प्रभातफेरी गरिएको हो ।

सेवाको सहज पहुँच, गुणस्तरिय सामानको प्रयोग र किफायती उपभोग एवम् चुहावट नियन्त्रण कार्यको उपभोक्तामा वढी भन्दा बढी सचेतना र जागरुकता संचार गरी विद्युत दुर्घटनामा कमी ल्याउन सचेतना जगाउन प्रभातफेरी गरिएको नेपाल विद्युत प्राधिकरण धनुषाधाम वितरण केन्द्रका प्रमुख ई. रोशन सिंहले बताए ।

प्रभातफेरीमा प्रलोभनमा नपरौ विद्युतको सुरक्षीत प्रयोग गरौ , सुरक्षा प्रती चासो , दुर्घटनाबाट बच्ने साचो , सुरक्षा सामग्री साथमा, आफ्नो सुरक्षा आफ्नै हातमा, नगरौ है चोरीको धन्दा, परिएला कानुनको फन्दा जस्ता नारा लेखिएका प्लेकार्ड सहित प्रभातफेरी गरिएका थिए ।

विद्युतीय दुर्घटनाबाट बच्न गुणस्तरीय उपकरणको प्रयोग सुरक्षाका उपकरण अवलम्वन गरी दुर्घटनाबाट बच्न सकिन्छ तर कमसल तार र सामग्री प्रयोग गर्ने र सुरक्षा सजगताको अभावमा बेलाबेला दुर्घटनाहरू भइरहेकोले विद्युतीय सुरक्षा दिवसको अवसरमा सचेतना जगाउन प्रभातफेरी गरिएको छ ।

विद्युत वितरण प्रणालीमा कार्यरत जनशक्तिलाई विद्युतीय सुरक्षाको महत्व बुझाउने, सुरक्षात्मक उपकरणको प्रयोग गर्न लगाउने, विद्युत माग र आपूर्ति पक्षको व्यवस्थापन गर्ने र किफायती उपकरणको प्रयोगमा जानकारी गराई गुणस्तरीय उपकरण प्रयोग जनचेतना जगाउने उद्देश्यले २०७३ देखि हरेक वर्ष चैत २६ गते देशभर विद्युत सुरक्षा दिवस मनाउन थालिएको हो ।

प्रभातफेरी कार्यक्रममा मधेस प्रदेश सभा सदस्य संजय महतो , धनुषाधाम नगरपालिका वडा नम्बर ४ का वडा अध्यक्ष मनोज यादब धनुषाधाम वितरण केन्द्रका प्रमुख ई। रोशन सिंह ,वितरण केन्द्रका सम्पुर्ण कर्मचारीहरु तथा ईलाका प्रहरी कार्यालय धनुषाधामका प्रहरीहरुको उपस्थिति रहेको थियो ।