जानकी मन्दिर परिसरमा धार्मिक बोर्ड हटाएर भारतीय कलेज र युनिभर्सिटीको बोर्ड

न्यूज ब्यूरो, जनकपुरधाम । विश्व प्रसिद्ध जानकी मन्दिरमा धार्मिक सूचना बोर्ड हटाएर भारतीय कलेज तथा युनिभर्सिटीको बोर्ड लगाइएको छ ।

जानकी मन्दिर परिसरभित्र रहेको लक्ष्मण मन्दिरको अगाडी लगाउँदै आएको धार्मिक बोर्डलाई हटाएर नीजि कलेजको बोर्ड लगाइएको पाईएको छ । जानकी मन्दिरमा धार्मिक बाहेक अन्य कुनै पनि बोर्ड लगाउन नपाउने निर्णय भएको थियो ।

जानकी मन्दिर व्यवस्थापन समिति र जिल्ला प्रशासन कार्यालय धनुषासहित सरोकारबालाहरुको सँयुक्त बैठकबाट जानकी मन्दिर परिसरमा धार्मिक बाहेक अन्य कुनै पनि बोर्ड लगाउन नपाउने निर्णय भएको थियो । विगत एक साता बढीदेखि जानकी मन्दिरमा भारतीय युनिभर्सिटीको बोर्ड लगाइएको पाईएको छ ।

बोर्ड जनकपुरस्थित रहेको एक कन्सलन्टेन्सीले लगाएको पाईएको छ । जनकपुरस्थित रहेको भिजन प्वाईन्ट नेपाल नामक कन्सल्टेन्सीले सो बोर्ड लगाएका हुन् । कन्सल्टेन्सीले बिना अनुमति सो ठाउँमा धार्मिक बोर्ड हटाएर आफ्नो बोर्ड लगाएको बताईएको छ ।

यसअघि सो प्लटेमा १५ दिने माध्यमिकी परिक्रमाको रुटको बारेमा जानकारी टाँसिएको बोर्ड लगाइएको थियो । परिक्रमा रुटको बोर्ड हटाएर भारतीय युनिभर्सिटीको बोर्ड लगाइएको हो ।

विश्वप्रसिद्ध जानकी मन्दिर परिसरमै गैर धार्मिक बोर्ड लगाउँदा कसैले आवाज उठाउन सकेका छैनन् । यसलाई धार्मिक आस्थामाथिको प्रहारको रुपमा लिइएको छ ।