जनकपुर न्यूरो हस्पिटलले धान्यो बस दुर्घटनाका दर्जनौँ घाईते

न्यूज ब्यूरो, जनकपुरधाम । जनकपुरको न्यूरो हस्पिटलले राजमार्ग बस दुर्घटनाका दर्जनौ घाईतेलाई धान्न सफल भएको छ ।

नीजि अस्पतालमा दुर्घटनाको दर्जनौ घाईतेलाई एकै पटक भर्ना गरी चिकित्सकको पुरै टिम लगाएर उपचार गर्न सफल भएको छ ।

शुक्रबार पूर्व पश्चिमा राजमार्ग अन्तर्गत धनुषाधाम नगरपालिका वडा नम्बर ६ मालटोलस्थित भएको बस दुर्घटनाका घाईतेहरुलाई न्यूरो हस्पिटलले भर्ना लिएका थिए । एकै पटक दुर्घटनाका ४० बढी घाईतेहरुलाई उपचारको लागि हस्पिटलका सबै टीमलाई खटाएको हस्पिटलका प्रवक्ता सँजय मण्डलले जानकारी दिए ।

हस्पिटलका प्रमुख सर्जन डा. विजय राउतले बस दुर्घटनाका घाईतेहरुको अवस्था हेर्दै तत्काल उपचारमा सबै कर्मचारीलाई खटन निर्देशन दिएका थिए । घाईतेहरुमध्येको ५ जनाको अवस्था गम्भिर रहेको छ । उनीहरुको उपचार जनकपुर न्यूरो हस्पिटलमा भईरहेको छ ।