जनकनन्दिनी गाउँपालिकाको नयाँ लेखा अधिकृतमा यादव हाजिर

न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिकाको लेखा प्रमुखमा सरोज कुमार यादव हाजिर भएका छन् ।

बुधबार गाउँपालिका अध्यक्ष दिपिनदेव यादव र उपाध्यक्ष कमला सहगलको विशेष उपस्थितिमा यादव लेखा प्रमुखको जिम्मेवारी सम्हालेका हुन् ।

यसअघि धनुषाको शहिदनगर नगरपालिकामा लेखा शाखा सम्हालेका लेखा अधिकृत यादव जनकनन्दिनी गाउँपालिकामा लेखा प्रमुखको जिम्मेवारी सम्हालेका हुन् ।

जनकनन्दिनी गाउँपालिकाका विभिन्न वडाका वडाध्यक्ष, कर्मचारीहरुले उनलाई कार्यालयमा स्वागत गरेका हुन् । शहिदनगरमा कुशल कार्य सम्पादन गरेका यादवले जनकनन्दिनी गाउँपालिकामा शून्य बेरुजुको मिशनमा कार्य गर्ने प्रतिवद्धता जाहेर गरेका छन् ।