जनकनन्दिनीका जनप्रतिनीधि र सँघर्ष समितिबीचको टशन खत्तम, विरोधका कार्यक्रमहरु समाप्त

न्यूज ब्यूरो, जनकपुरधाम । जनकनन्दिनी गाउँपालिकाका जनप्रतिनीधिहरु र सँघर्ष समितिबीच चल्दै आएको टशन समाप्त भएको छ ।

जनकनन्दिनी गाउँपालिकामा गाउँकार्यपालिकाको बेथिति बिरूद्ध गठीत सर्वदलीय संघर्ष समिति लामो समय देखि प्रत्यक्ष अप्रत्यक्ष रुपमा संघर्ष गर्दै आईरहेकोमा जनप्रतिनीधिहरुले साकारात्मक जवाफ र प्रतिवद्धता पठाएपछि टशन समाप्त भएको घोषणा गरिएको छ ।

वार्ता समितिका सँयोजकको भूमिका निर्वाह गर्दै पूर्व वडाध्यक्ष एवम् जसपा नेपालका युवा नेता धमेन्द्र गोईतले तत्काल जनकनन्दिनी गाउँपालिकाका अध्यक्ष दिपिनदेव यादव, उपाध्यक्ष कमला सहगलसहित विभिन्न वडाका वडाध्यक्षहरुबीच भएको एक वार्तापछि सँघर्ष समितिले विरोधका कार्यक्रमहरु समाप्त पारेको घोषणा गरेका छन् ।

सँघर्ष समितिले मागलाई मध्यनगर गर्दै गाउँकार्यपालिकाको कार्यालयले ।उपाध्यक्ष कमला सहगलको संयोजकत्वमा वार्ता समिति गठन गरी मिति गत फागुन ८ गते दिनको १ः०० बजे उपस्थित हुने गरी छलफल तथा वार्ताका लागि सर्वदलीय संघर्ष समितिको नाउँमा पत्राचार गरेकोपछि वार्ता साकारात्मक र फलदायी भएको घोषणा गरिएको हो ।

“उक्त पत्रलाई हामी गम्भीरतापूर्वक स्विकार गर्दै आफ्ना माँग मुदा प्रति समर्पित रही दुवै पक्षबाट सकारात्मक प्रस्तुति रहेको हुदा वार्ता उपल्धीमूलक रहेको हाम्रो ठहर छ ।”– समितिका सँयोजक गोईतले भने ।

उक्त वार्ताको निर्णयार्थ मध्ये निर्णय नम्बर १ को सन्दर्भमा दस्तावेज प्रमाणीकरण गरी फाुगन ११ गते उपलब्ध गराउने र अझै निर्णयहरू चाँडै कार्यन्वयनमा ल्याउने प्रतिबद्धता गरेको उल्लेख गरेका छन् ।