विदेहमा महिलाहरुको क्षमता विकास तालिम

न्यूज ब्यूरो |
जनकपुरधाम, १६ असार । धनुषाको नगरपालिकामा महिलाहरुको क्षमता विकास तालिम सम्पन्न भ्एको छ ।

विदेह नगरपालिका कार्यालयको सहयोगमा तथा समाज विकास मञ्च द्धारा विदेह नगरपालिकाको वडा नं. १, २, ३ र ४ मा “महिलाहरुको क्षमता विकास तालिम” सम्पन्न भएको छ ।

४ वटै वडाहरुमा विभिन्न समुदायका जम्मा ८० जना महिलाहरु सहभागी भएका थिए ।

तीन दिने कार्यक्रम वडा नं. १ र ४ को तालिम वडा नं. ४ को कार्यालय भवन ठाडीझिझामा वडा नं. ४ का वडा अध्यक्ष बिनोद गोहितमानको प्रमुख आतिथ्यमा र वडा नं. २ र ३ को तालिम श्री शंकर जनता मा.वि.को कक्षाकोठामा वाडा नं. २ का वडा अध्यक्ष श्रवण कुमार कुसियैत र वडा नं. ३ का वडा अध्यक्ष बिल्टु रायको प्रमुख आतिथ्यमा संचालन भई सम्पन्न भएका छन ।

कार्यक्रमको संचालन सहजकर्ता शत्रुघ्न महतो, प्रकाश ठाकुर, विनोद कुमार साह र सुनिता कुमारी सिंहले सहजीकरण गरेका थिए । कार्यक्रमको अनुगमन विदेह नगरपालिकाको प्रशासन प्रमुख केवल दासले गरेका थिए ।