प्याबसन सबैलाद्धारा हाजिरिजवाफ प्रतियोगिता, १२ विद्यालयको सहभागी

न्यूज ब्यूरो, जनकपुरधाम । नीजि विद्यालयहरुको सँगठन प्याबसन सबैलाले हाजिरिजवाफ प्रतियोगिता गराएको छ ।

प्याबसन सबैलाको आयोजनामा शनिबार गरिएको हाजिरि जवाफ प्रतियोगितामा सहभागी विद्यालयहरुमध्ये आदर्श विद्या मन्दिर सबैला प्रथम स्थान ल्याएको हो । आधारभूत तह जुनियर (१–५) सम्मको सो प्रतियोगितामा आदर्श विद्यालयले प्रथम स्थान हाँसिल गरेको हो ।

प्याबसन सबैलाका अध्यक्ष प्रदीप यादवको अध्यक्षता तथा सबैला नगरपालिका वडा नम्बर ४ का वडाध्यक्ष सत्यनारायण यादवको प्रमुख आतिथ्यमा सम्पन्न हाजिरि जवाफ प्रतियोगितामा रोयल बोर्डिँग स्कूलले दोस्रो स्थान हाँसिल गरे भने सनराईज बोर्डिँग स्कूलले तेस्रो स्थान ल्याए । सबैला १२ रघुनाथपुरस्थित रहेको इन्टरनेश्नल चिल्ड्रेन ईँगलिस बोर्डिँग स्कूलले सान्तवना प्राप्त गरे ।

आधारभूत तह सिनियर तर्फ (६–८) मा रोयल स्कूल प्रथम, ईन्टरनेश्नल चिल्ड्रेन दोस्रो र जय माँ दुर्गे बोर्डिँग स्कूल तेस्रो स्थान हाँसिल गरे ।

सो प्रतियोगिताको क्रममा विद्यालयका प्रिन्सीपलहरुलाई सम्मान समेत गरिएको थियो ।