अल्पायूमै ज्यान गुमाएका मण्डल परिवारलाई सिलाई मेसिनसहित आर्थिक सहयोग

न्यूज ब्यूरो, जनकपुरधाम । अल्पायूमै ज्यान गुमाएका जनकपुरका एक विपन्न परिवारलाई श्री हरि मानव कल्याण मञ्चले आर्थिक सहयोग गरेको छ ।

जनकपुरधाम उपमहानगरपालिका वडा नम्बर २४ बस्ने अमरजीत मण्डल (मृत्यू) की श्रीमतिलाई सिलाई मेसिनसहित आर्थिक सहयोग गरिएको हो । एक कार्यक्रमबीच उनको घरमै पुगेर मँचले एक कपडा सिलाई मेसिनको साथै ५ हजार ३ सय ५१ रुपैयाँ सहयोग गरेको हो । मेसिन १४ हजार बराबरको रहेको जनाइएको छ ।

श्रीमानको देहान्तपछि परिवारिक अवस्था जटिल बन्दै गएपछि हरिमानव सेवा मँचले उनलाई स्वरोजगार बन्न, घर परिवार चलाउनको लागि मेसिन प्रदान गरिएको श्री हरि मानव कल्याण मञ्चको अध्यक्ष दिपक श्रेष्ठ मण्डलले जानकारी दिए ।