गोलबजारको बर्धमान अस्पतालमा नवजात शिशुको मृत्यू, प्रहरीले खोलाबाट निकाले शिशुको लास

न्यूज ब्यूरो, सिरहा । सिरहाको गोलबजारस्थित रहेको एक नीजि अस्पतालमा एक नवजात शिशुको मृत्यू भएपछि प्रहरीले एक्सन लिएका छन् ।

सिरहाको गोलबजारस्थित रहेको बर्धमान हस्पिटलमा सुत्केरी भई गएकी सिरहा औरही बस्ने राधा दासको नवजात शिशु मरेपछि खैलाबैला मच्चिएको छ ।

राधालाई सुत्केरी लागेपछि सिरहास्थित सिरहा जिल्ला अस्पताल पुगेकी राधालाई त्यहाँका सरकारी डाक्टरले अन्यत्र लैजान सल्लाह दिएको थियो । राधाको अवस्था हेरेपछि डाक्टरले अन्यत्रै लैजान सल्लाह दिए । उनलाई गोलबजारस्थित बर्धमान हस्पिटलमा लैजान सल्लाह दिएको दाबी परिवारजनको छ ।

परिवारजनले सोही अनुसार एम्बुलेन्समा राधालाई राखेर गोलबजारस्थित बर्धमान हस्पिटल लगेको थियो । त्यहाँ परिवारजनलाई अप्रेशन गर्नुपर्ने भनेपछि २५ हजारमा कुरा टुगिँएको थियो । कुरा मिलेपछि परिवारजनबाट औठाछाप गराएको पीडित परिवारको कथन छ ।

राधाकी सासू जलेश्वरी दासले बर्धमान अस्पतालका डाक्टर सरोज रायसँग पचिस हजारमा अप्रेशनको सहमति गरिन् ।अप्रेसनपछि राधा दासको कोखबाट जन्मेपछि बच्चालाई आईसियूमा भर्ना गर्नुपर्ने डाक्टर सरोज रायले बिरामीको कुरुवालाई जानकारी दिए । बर्धमान अस्पतालमा आईसीयू खाली नभए पछि लाहानको सप्तरिऋि अस्पतालमा बच्चालाई लगियो । बच्चा अस्पतालमा पुग्दा लाहानका अस्पतालले मृत्यु घोषणा गरिदिएपछि खैलाबैला मच्चियो ।

त्यतिबेला हतास भएका परिवारजनले बच्चा त्यतिकै मर्यो भनेर सन्तुष्टि पोखे । एम्बुलेन्स चालकले बच्चालाई गोलबजारकै गागन खोलामा गाडीदिन सल्लाह दिए । त्यसपछि परिवारजनले सोही अनुसार खोलामा मृत नवजात शिशुलाई गाडिदिए ।

यसबारे राधाकी दाई राहुल रायले यसरी किन गरेको यहाँ ल्याउनु पर्ने बाटोमा नै फालेर आउनुपर्ने किन बाध्यता भयो ? भनेर प्रश्न गरे । राहुल रायले ईलाका प्रहरी कार्यालय गोलबजारका प्रहरी निरीक्षक गोबिन्द प्रशाद साहको टोलि सहित ती मृतक बच्चालाई गाडेको ठाउँबाट निकाली लाहानको सरकारी अस्पतालमा पोस्टमाटमका लागि पठाइएको छ ।

जिल्ला अस्पताल सिरहाबाट डाक्टर अलकेश चौधरीको नामबाट रिफर गरिएको बताईएको छ । जिल्ला अस्पताल सिरहामा कार्यरत अकलेश चौधरीले भने आफू सोमबार ड्युटीमा नरहेको प्रतिक्रिया दिए । यता, आरोपित बर्धमान अस्पताल प्रशासनसँग बच्चाको स्थिति र मृत्यूबारे जानकारी लिन खोज्दा सम्पर्कमा नै आउन चाहेनन् ।