धनुषाको नौसयबिघामा मेयर मण्डलद्वारा पुलको शिलान्यास

बिनय कुमार यादव |

जनकपुरधाम, ८ असार । धनुषाको धनुषाधाम नगरपालिकाका मेयर बालेश्वर मण्डलले पुलको शिलान्यास गरेको छ । धनुषाधाम नगरपालिका वडा ५ नौसयबिघा–किसानपुर सडकखण्ड अन्तर्गत अवस्थित नदिमा नगर प्रमुख मण्डलले पुलको शिलान्यास गरेको हो ।

विगतदेखि भोगी रहेको समस्यालाई समाधान गर्न पुलको शिलान्यास गर्दै मेयर मण्डलले विकास निर्माणमा सघाउन सबैलाई अनुरोध गरेका छन् । पुल निर्माणका लागि रोयल निर्माण सेवा प्रालिलाई २१ लाखमा ठेक्का दिइएको छ । रोयल निर्माण सेवा प्रालिका संचालक लक्ष्मी साहले एक महिना भित्र पुल निर्माण गरिसक्ने बताएका छन् ।

शिलान्यास कार्यक्रममा धनुषाधाम नगरपालिकाका प्रमुख बालेश्वर मण्डल, विशिष्ट अतिथि वडा ५ का वडाध्यक्ष ईन्द्रकुमार महतो, संघीय समाजवादी फोरम नेपालका जिल्ला सदस्य विशेस्वर मण्डल, नगरपालिकाका निमित्त इन्जिनियर मनोज यादव, स्थानीय बासिन्दा, बुद्धिजीवी, समाजसेवी लगायतका उल्लेखनीय उपस्थिती रहेका थिए ।